Luuk 4:23 - Di Jamiekan Nyuu Testiment

²³ Jiizas se tu dem, “Uol taim piipl yuus tu se, ‘Dakta, kyuor yuself.’ Mi nuo se no tuu lang fram nou unu a-go tel mi di siem sitn. Unu a-go tel mi se, ‘Di siem sitn dem we wi ier se yu du iina Kyaporniyom du dem rait ya-so wich paat yu kom fram.’ ”

Luuk 4:23 Iomraidhean Croise

Matyu 13:54

Wen im kech a Nazaret, we im kom fram, im staat tiich di Juu dem iina dem choch. Di piipl dem kudn biliiv dem iez. Dem se, “A ou da man ya so waiz? A we im get di powa fi du dem mirikl de?

Matyu 4:13

Wen im de a Gyalalii, im lef fram Nazaret an kom liv a Kyaporniyom, a di sii-said, iina di Zebyulan an Naftali ieriya,

Matyu 4:23

Da taim de, Jiizas did go aal uova Gyalalii a tiich iina di Juu dem choch. Im did a priich di gud nyuuz bout Gad kindom an a get piipl beta — piipl we av aal kain-a siknis an we sik iina aal saat a wie.

Maak 6:1

Den Jiizas lef da plies de an im an im falara dem go baka Nazaret we im kom fram.

Luuk 2:39

Afta Juozif an Mieri du wa Gad Laa se dem fi du, dem go baka dem yaad iina Nazaret we de a Gyalalii.

Luuk 2:51

Afta dat Jiizas go bak uom a Nazaret wid dem an im du evriting dem tel im fi du. An im mada kip aal a dem sitn de iina ar aat.

Luuk 4:16

Wen Jiizas riich a Nazaret, di plies we paat im gruo op, im go iina di Juu dem choch pan di Sabat, laik im aalwiez du. Im tan op fi riid

Luuk 4:31

Den Jiizas go dong a Kyaporniyom, wan toun iina Gyalalii, an staat fi tiich di piipl pan di Sabat.

Luuk 4:35

“Kiba yu mout!” Jiizas se iina wan siiros vais. “Kom outa di man!” Di diiman fling dong di man fronta evribadi an kom out bot neva ort di man.

Luuk 6:42

Ou unu fi se, ‘Mi breda, mek mi tek di saados outa yu yai,’ Wen siem taim unu no si di big piis a plangk iina fu'unu uon? Ipokrit! Tek di plangk outa fu'unu yai fos, den unu wi si beta fi tek di saados outa unu breda yai.

Jan 4:28

So di uman nou, shi lef di waata pan we shi kyari fi put waata iina, an shi ron go bak iina di toun. Wen shi riich de shi se tu di piipl dem,

2 Korintiyan 5:16

So den, wi no luk pan piipl an joj dem bies pan ou big ar sumaal dem bi, wi no joj dem laik ou di piipl we no biliiv joj dem. Bifuo wi did biliiv, a siem so wi did luk pan Jiizas Krais an joj im, bot nou wi no du dat no muor.