Luuk 4:18 - Di Jamiekan Nyuu Testiment

¹⁸ “Di Spirit a di Laad de pan mi, kaaz im pik mi out fi kyari gud nyuuz go gi puo piipl. Im sen mi fi mek di prizna dem nuo se dem a-go frii, fi mek blain piipl nuo se dem a-go si agen, fi mek piipl we a sofa nuo se dem naa go sofa fi eva.

Luuk 4:18 Iomraidhean Croise

Matyu 11:5

Di blain kyan si nou; kripl piipl a waak; piipl we av siknis we mek dem skin fasi-fasi, dem skin kom bak gud gud, def piipl a ier nou, ded a kom bak alaiv, an di gud nyuuz a priich tu puo piipl.

Matyu 12:18

“Si mi sorvant ya we mi pik, di wan we mi lov, di wan we mek mi api so til. Mi a-go gi'im mi Spirit, an im a-go mek evribadi, aal di piipl dem we a no Juu, nuo se Gad a-go joj dem fier.

Matyu 12:20

Jos laik ou im wuda neva pap out piis a graas we evribadi kom tep tep op pan, ar out wan lamp we bieli a lait op, im naa go rof op piipl we wiik an ort di wan dem we no chrang. An im a-go gwaan til im mek piipl si se mi kyan siev dem.

Matyu 4:16

di piipl dem we sidong iina di daak Gad shuo dem wan nyuu laif — a laka wan brait lait dem si. An aal uu weehn a liv, bot neehn riili a liv fi chuu, a laik nait don an di son a kom op, kaa Gad kom kom siev unu ya nou.”

Matyu 5:3

“Aal a unu we nuo se unu niid Gad iina evri wie, Gad bles unu, kaa di gud sitn dem we Gad gi wen im ruul piipl laif iina evri wie, a unu a-go get dem.

Luuk 4:17

an dem gi im di ruol op buk we di prafit Aizaiya rait. Im ruol it out an fain di paat we se:

Luuk 6:20

Jiizas luk pan im falara dem an tel dem se, “Aal a unu we puor, Gad bles unu kaaz di kindom a fu'unu uon.

Luuk 7:22

Den Jiizas tel Jan falara dem se, “Go tel Jan wa unu si an ier. Blain piipl kyan si an kripl kyan waak. Piipl we av siknis we mek dem skin fasi-fasi get beta an def piipl a ier. Ded piipl kom bak alaiv an di gud nyuuz a priich tu puo piipl.

Jan 1:41

Di fos ting Anju du afta im miit Jiizas a fain im breda, Saiman, an tel im se, “Wi fain di Mesaiya” (Iina fi dem langwij dat miin Krais).

Jan 12:46

Mi kom iina di worl laka wan lait, so dat dem we chos iina mi no gweehn tan iina daaknis.

Jan 3:34

Kaa, di wan we Gad sen kom se aal a wa Gad tel im fi se, kaa yu si, Gad gi'im evri singgl bit a im Spirit.

Aks 10:38

Unu nuo ou Gad did gi Jiizas we kom fram Nazaret im Uoli Spirit an powa. Jiizas go aal bout a du gud sitn, an aal a di piipl we di devl did kanchuol, Jiizas frii dem kaaz Gad did de wid im.

Aks 26:18

Mi a sen yu tu dem so yu kyan elp dem fi si an kom outa di daaknis an kom iina di lait. An mi a sen yu fi elp dem get frii fram Sietan powa an mek Gad ruul dem laif. Da wie de dem wi ton paat a Gad piipl uufa sin im paadn kaaz dem biliiv iina im.’

Aks 4:26

Di king dem pan ort get demself redi fi fait, an di ruula dem jain tugeda fi fait gens Gad an gens fi'im Krais.’

Aks 4:27

Wi nuo fi shuor se a so it go, kaaz Erad, Ponchos Pailat, piipl we a no Juu, an di Izrel piipl miit op iina da siti ya an plan fi kil Jiizas, yu sorvant we uoli.

Koloshan 1:13

Daaknis did ruul uova wi, an Gad kom siev wi fram di daaknis an bring wi wich paat im Bwai Pikni a-go ruul uova wi — im Bwai Pikni we im lov,

Jiemz 2:5

Mi breda an sista, ier wa mi a se. No Gad pik di puo piipl iina di worl fi bles dem kaaz dem biliiv iina im? Im pik dem fi tek paat iina im kindom wa im pramis fi gi aal uu lov im.

1 Piita 2:9

Bot unu a wan set a piipl we Gad pik. Unu a di king priis — an Gad a di king. Unu a wan speshal piipl we Gad tek fi kom ton fi im uona piipl dem. Im pik unu so unu kyan tel ada piipl ou big im bi an ou gud im bi. Kaaz a im sed wan tek unu outa daaknis an kom put unu iina im brait brait lait.