Luuk 3:2 - Di Jamiekan Nyuu Testiment

² Anas an Kaiyafas a did liida fi di priis dem. Iina da siem taim de Jan, Zakaraiya bwai pikni, did de iina di dezot an get wan mesij fram Gad.

Luuk 3:2 Iomraidhean Croise

Matyu 11:7

Az Jan falara dem a lef so, Jiizas staat taak tu di kroud bout Jan. Im se, “Wa kain-a sumadi unu did go out iina di dezot fi si? Sumadi we kyaahn mek op im main laik taal graas we di briiz a bluo dis ya wie an dat de wie?

Matyu 26:3

Den di ed priis an di Juu elda dem miit op wich paat di liida fi di priis dem liv — di liida fi di priis dem did niem Kaiyafas.

Maak 1:2

It rait dong iina di buk we di prafit Aizaiya rait, se: “Luk, mi wi sen mi mesinja fi gwaan til yu kom, im a-go get piipl redi fi yu.”

Luuk 1:80

Di pikni gruo op an get chrang iina spirit, an im did liv iina di dezot til di die im shuo imself tu Izrel.

Jan 1:23

So Jan yuuz sopm we prafit Aizaiya se, fi tel dem a uu im bi. Im se, “Mi a di sumadi we a shout iina di dezot, ‘Mek di chrak we im fi waak pan chriet.’ ”

Jan 18:24

Den Anas sen Jiizas go a Kaiyafas, di liida fi di priis dem. Im did stil av Jiizas tai op.

Aks 4:6

Anos di liida fi di priis dem, Kaiyafas, Jan, Aligzanda, an di ada man dem fram di liida fi di priis fambili did de de tu.