Luuk 3:16 - Di Jamiekan Nyuu Testiment

¹⁶ So im se tu dem, “Mi baptaiz unu iina waata. Bot sumadi we muo impuotant dan mi a kom an mi no iivn gud inof fi pul di chrap pan im slipaz. Im wi baptaiz unu iina di Uoli Spirit an faiya.

Luuk 3:16 Iomraidhean Croise

Matyu 3:11

“Mi tek waata baptaiz unu fi shuo se unu ton we fram sin. Bot sumadi a kom we muo powaful dan mi. Mi no iivn gud inof fi aal kyari im slipaz. Im wi tek di Uoli Spirit an faiya, an baptaiz unu.

Matyu 3:12

Im av im faak iina im an redi, an im a-go riek op di fluor wich paat di grien chrash out. Im a-go gyada op di grien an put it iina di bochri, bot im a-go bon op di chrash iina wan faiya we kyaahn out.”

Jan 1:26

So, Jan ansa dem se, “Mi baptaiz unu iina waata, bot sumadi de mongks unu we unu no nuo bout.

Jan 1:27

Mi no iivn gud inof fi pul di chrap dem pan im slipaz. Im a-go pik op afta mi lef an gaan.”

Jan 1:33

Az mi did se, mi neehn nuo uu di sumadi wuda did bi. Bot, yu si di wan we sen mi fi baptaiz piipl, im did tel mi se, ‘Di sumadi we yu baptaiz an we yu si di Spirit kom dong an lan pan, a im a di wan we gweehn baptaiz piipl iina di Uoli Spirit.’

Jan 7:38

Wa Gad wod se gweehn apm tu di piipl we biliiv iina mi. It se, ‘Som riva wid waata we gi laif a-go ron outa dem.’ ”

Aks 1:5

Kaaz Jan baptaiz piipl wid waata, bot kopl die fram nou Gad a-go baptaiz unu wid di Uoli Spirit.”

Aks 10:44

Piita did stil a priich wen aal av a sodn di Uoli Spirit kom dong an tek kanchuol a aal a di piipl we did a lisn tu di mesij.

Aks 2:33

So Gad big op Jiizas an put im fi sidong a im rait an. An Faada Gad gi im Bwai Pikni di Uoli Spirit jos laik im did pramis. So aal wa unu a si an a ier ya nou, a Jiizas mek dem a apm.

1 Korintiyan 12:13

Wen wi did get baptaiz, Gad gi aal a wi im Spirit an so di uol a wi a wan. It no mata ef yu a Juu ar yu a no Juu, ef yu a sliev ar yu frii, Gad gi aal a wi di siem Spirit.