Luuk 23:5 - Di Jamiekan Nyuu Testiment

⁵ Bot dem stil a push, “Im rail op di piipl aal uova Judiya wid we im tiich. Im staat iina Gyalalii an kom aal di wie op ya-so wid it.”

Luuk 23:5 Iomraidhean Croise

Matyu 11:1

Wen Jiizas don tel im twelv falara dem wa fi du, im lef de-so an staat tiich an priich iina dem toun.

Matyu 2:1

Jiizas did baan iina Betliyem, wan toun iina Judiya. Dem taim de, a Erad did a king iina Judiya. Nou, iina dem siem taim de, som waiz man fram di Iis said did kom a Jeruusilem an a aks,

Matyu 27:24

Wen Pailat si se im neva did a go no we wid dis ya, bot did onggl a rail op di kroud muo, im tek waata wash im an infronta dem an se, “A no mi mek da man ya ded. Fi'im blod de pan fu'unu ed!”

Matyu 4:23

Da taim de, Jiizas did go aal uova Gyalalii a tiich iina di Juu dem choch. Im did a priich di gud nyuuz bout Gad kindom an a get piipl beta — piipl we av aal kain-a siknis an we sik iina aal saat a wie.

Maak 1:14

Nou afta dem lak op Jan iina prizn, Jiizas go a Gyalalii go priich Gad gud nyuuz.

Luuk 11:53

Wen Jiizas lef de-so di Farisii an di Laa tiicha dem staat fi chriit im wikid. Dem aks im wan bag a chriki kwestiyan,

Luuk 23:23

Bot dem no tap shout out se dem fi kil Jiizas pan di kraas; dem shout so til dem win.

Luuk 23:6

Afta Pailat ier dis, im aks ef di man kom fram Gyalalii.

Jan 1:43

Di neks die, Jiizas mek op im main fi lef go a Gyalalii. Im fain wan man we niem Filip an se tu im se, “Fala baka mi.”

Jan 19:15

Bot dem shout out se, “Tek im we! Tek im we! Niel im pan di kraas mek im ded!” “Mi fi niel op unu king pan di kraas mek im ded?” Pailat aks dem. “Siiza a di onggl king wi av,” di ed priis dem se tu im.

Jan 2:11

Nou, Jiizas wok uol iip a mirikl an da wan ya a did di fos wan outa aal a dem. Im did du it iina Kiena we de a Gyalalii. Da wie de, im shuo ou im big an powaful. An im falara dem biliiv iina im.

Jan 7:41

Som ada wan se, “A di Krais dis ya.” Bot yu did stil av som we did a aks, “Nuo sa, kaa di Krais no kom fram Gyalalii, no chuu?

Jan 7:52

Bot dem se tu im se, “Yu no kom fram Gyalalii tu? Go chuu Gad wod an si fi yuself — no prafit neva eva kom outa Gyalalii yet!”

Aks 10:37

Unu nuo bout di big impuotant sitn dem we apm aal uova Judiya. It staat iina Gyalalii afta Jan priich tu di piipl an tel dem fi ton we fram dem sin an get baptaiz.

Aks 23:10

Wen di kwaril get riili riili bad, di ed fi touzn suoja kech im fried kaaz im tingk se dem wuda tier op Paal. So im aada im suoja dem fi go dong go tek we Paal fram mongks dem an kyari im bak iina di suoja kyamp.

Aks 5:33

Wen di Juu liida dem ier dem sitn de, dem get beks til dem blod staat bwail an dem redi fi kil di apasl dem.

Aks 7:54

Wen di Juu liida dem ier dis dem beks wid im so til dem staat grain dem tiit.

Aks 7:57

Wen dem ier dat, dem baal out pan tap a dem vais, kova op dem iez, an di uol a dem ron dong pan im wan taim.