Luuk 23:2 - Di Jamiekan Nyuu Testiment

² Dem staat tel bier lai pan Jiizas se, “Wi kech da man ya a chrai fi mek di piipl dem go gens di govament. Im waahn wi fi tap pie taks tu Siiza di Ruoman ruula an kliem se im a Krais — bout im a King.”

Luuk 23:2 Iomraidhean Croise

Matyu 17:27

“Bot, kaa wi no waahn nobadi beks, go dong a di sii an chuo out yu lain fi kech fish, an di fos fish yu kech wen yu uopm op im mout yu a-go fain wan silva kain. Gi dem dat fi fi mi an fi yu taks fi Gad ous.”

Matyu 22:21

Dem ansa bak, “Siiza.” So Jiizas se tu dem se, “Den gi Siiza wa a fi'im, an gi Gad wa a fi'im.”

Matyu 27:11

Nou Jiizas tan op infronta di govana, an di govana aks im se, “Yu a di Juu dem king?” Jiizas se, “A yu se so.”

Maak 12:17

Den Jiizas se tu dem se, “Gi Siiza wa a fi'im, an gi Gad wa a fi'im.” An dem did shak fi ier ou im ansa dem.

Maak 15:2

So Pailat aks im se, “Yu a di Juu dem king?” Jiizas ansa im se, “A yu se so.”

Luuk 23:14

an se, “Unu kyari da man ya kom tu mi an kliem se im a kaaz di piipl dem fi go gens di govament. Mi kwestiyan im infronta unu an si se im no du non a di sitn dem we unu a bliem im fa.

Luuk 23:5

Bot dem stil a push, “Im rail op di piipl aal uova Judiya wid we im tiich. Im staat iina Gyalalii an kom aal di wie op ya-so wid it.”

Jan 18:29

So Pailat kom out tu dem an aks dem se, “Wa unu se da man ya du rang?”

Jan 18:30

Dem se tu im se, “Ef im a no kriminal, wi wudn kyari im kom tu yu.”

Jan 19:12

Fram da taim de, Pailat chrai an chrai fi let im go. Bot di Juu liida dem did kip aan a shout an se, “Ef yu mek da man ya get we, yu an Siiza a no fren! Enibadi we se dem a king a fait gens Siiza.”

Aks 24:13

An dem kyaahn pruuv tu yu aal di sitn dem we dem a tel yu se mi du.

Aks 24:5

“Wi fain se da man ya a wan wikid wikid chobl-meka we a rail op di Juu dem aal uova di worl, an im a wan ring liida fi wan paati we dem kaal di Nazariin.

Ruoman 13:7

Unu mos pie piipl wa unu uo dem: Ef unu av taks fi pie, pie di uol a dem; ef piipl fi get rispek, rispek dem an ef a big dem fi get big op, den big dem op.