Luuk 2:9 - Di Jamiekan Nyuu Testiment

⁹ Wan a di Laad ienjel dem kom tu di shepad dem. Wan brait brait lait fram Gad kova dem an it mek dem fraitn so til.

Luuk 2:9 Iomraidhean Croise

Matyu 1:20

Jos wen Juozif did a tingk fi du dat, wach ya nou — wan a di Laad ienjel dem no jriim im. Di ienjel se, “Juozif, Dievid pikni, no fried fi tek Mieri an marid ar, kaa di pikni we iina ar beli, a di Uoli Spirit put im de.

Luuk 1:28

Di ienjel go tu Mieri an se tu ar se, “Mieri, mi av nyuuz we a-go mek yu wel api. Gad riili riili bles yu an im a waak wid yu aal di taim.”

Luuk 2:8

Da nait de, som shepad did a luk aafa dem shiip iina wan fiil, nier we Mieri dem did de.

Luuk 24:4

Siem taim wen dem a wanda wa apm, tuu man iina kluoz we brait laik lait kom tan op saida dem.

Jan 12:41

Aizaiya se dem sitn ya, kaaz im did si ou Krais big an powaful. Im did si an taak bout im.

Aks 12:7

Aal av a sodn wan a di Laad ienjel dem tan op infronta Piita an wan brait brait lait shain iina di prizn. Im lik Piita iina im said an wiek im op. Im se, “Git op, kwik!” Siem taim di chien jrap aafa Piita an.

Aks 27:23

Mi nuo dat kaaz laas nait di Gad we mi bilang tu an we mi sorv sen wan ienjel tu mi an im se tu mi se,

Aks 5:19

Bot iina di nait wan a di Laad ienjel dem uopm di prizn duor an let out di apasl dem. Di ienjel se,

2 Korintiyan 3:18

An so aal a wi we bilang tu Jiizas, fi wi fies no kova op an wi kyan luk pan di Laad brait brait lait. An di Uoli Spirit we a di Laad kaaz wi fi shain brait brait tu. An muor an muor im a mek wi laik imself, til wan die wi a-go luk jos laik im.

2 Korintiyan 4:6

Di Gad we se, “Mek di lait shain iina di daak,” a im siem wan mek im lait shain iina wi aat so dat wi kyan andastan umoch im lov wi an ou powaful im bi. An wi onggl get fi andastan dem sitn de wen wi biliiv iina Krais Jiizas.

1 Timoti 3:16

Aal a wi nuo fi shuor se di uol a di sitn dem we Gad shuo wi, we jos big an powaful, a chuu. A chuu se: Jiizas baan a ort laik wan man. Di Uoli Spirit pruuv se Gad did tek im fi im Pikni an di ienjel dem did si im. Piipl priich tu evribadi bout im, evribadi put dem chos iina im an Gad tek im op iina evn.

Iibruu 12:21

Az a matarafak wa did a gwaan did fraitn di piipl dem so moch, Muoziz se, “Mi a shiek di wie mi fried.”

Revilieshan 18:1

Afta dis, mi si wan neks ienjel kom dong fram evn. Im av nof powa, an im brait lait lait op di ort.

Revilieshan 20:11

Den mi luk an si wan big, big, wait chuon an sumadi sidong pan it. Di ort an di skai did disapier fram infronta im an nobadi neva si dem agen.