Luuk 16:2 - Di Jamiekan Nyuu Testiment

² Di rich man kaal im an aks im se, ‘Wa dis mi ier bout yu? Rait dong wa yu get an wa yu spen, kaaz yu kyaahn bi mi manija agen.’

Luuk 16:2 Iomraidhean Croise

Matyu 12:36

A tel unu dis, pan jojment die, piipl a-go afi ansa fi evri wikid sitn we dem se, we dem shuda neva se iina di fos plies.

Matyu 20:8

“Wen iivnin kom dong nou di faam uona se tu im manija se, ‘Kaal di wokman dem an pie dem. Staat wid di laas set a man dem we mi tek aan, an pie aal a dem dong tu di fos set.’

Luuk 12:20

“Bot Gad tel im se, ‘Yu fuul! Tinait tinait, yu a-go ded. Uu a-go get wa yu put op fi yuself?’

Luuk 12:42

Di Laad ansa im se, “Uu a di manija we di maasta kyan chos an dipen pan? A dat de wan im a-go put inchaaj a im sorvant dem, fi gi dem fi dem shier a di fuud wen di rait taim kom.

Luuk 16:1

Jiizas tel im speshal falara dem se: “Yu did av wan rich man we ier se im manija did a wies im sitn dem.

Luuk 16:3

“Di manija se tu imself, ‘A wa mi fi du nou? Mi maasta a go tek we mi jab. Mi no av di chrent fi dig grong, an mi shiem fi beg.

Ruoman 14:12

So den evribadi afi go ansa tu Gad fi demself.

1 Korintiyan 1:11

Mi nuo se unu a aagyu wid unu wan aneda kaaz som piipl we liv iina Klowi ous tel mi bout it.

1 Korintiyan 4:2

Nou ef yu a wan sorvant, di onggl sitn yu maasta waahn, a fi yu du wa im gi yu fi du, an fi yu du it gud tu.

1 Korintiyan 4:5

So no bada joj nobadi til di taim rait. Wiet til di Laad kom. Aal a di rang sitn dem we piipl du an chrai fi aid, im wi mek evribadi nuo bout dem an im wi shuo wa riili de iina piipl aat. An den Gad wi big op di wan dem we du di wok we im gi dem an we du it gud.

2 Korintiyan 5:10

Kaaz aal a wi a-go afi tan op infronta Krais Jiizas, an im a-go joj wi. An weda gud ar bad, im a-go pie bak evri wan a wi fi di sitn dem we wi du wen wi did de pan ort.

1 Timoti 4:14

No figet bout di gif we di Uoli Spirit gi yu, mek shuor se yu yuuz it. A da gif de yu did get wen di prafit dem did taak uova yu an di elda dem did put dem an pan yu an prie.

1 Timoti 5:24

Som piipl sin yu kyan si so plien dat nobadi no iivn afi se notn fi yu nuo se dem gilti. Bot ada piipl sin no so iizi fi si, it no shuo til lieta.

1 Piita 4:10

Gad gi unu difrant difrant gif. Evri wan a unu fi yuuz wat-eva gif Gad gi unu, an yuuz it gud. Yuuz it elp ada piipl.

1 Piita 4:5

Bot dem wi afi ansa tu Gad. Im redi fi joj evribadi — ded ar alaiv.

Revilieshan 20:12

An mi si ded piipl, piipl we mata an piipl we no mata, tan op infronta di chuon, an som buk did uopm op. An wan neda buk did uopm op tu, di buk we Gad rait dong di niem a di piipl dem we a-go get fi liv fi eva. Di ded piipl dem get joj bies pan wa dem did du. An wa dem did du did rait dong iina di buk dem.