Luuk 13:1 - Di Jamiekan Nyuu Testiment

¹ Bout di siem taim, som piipl did de de we tel Jiizas bout ou Pailat tek di Gyalaliiyan dem blod an mek it miks op wid di blod a di animal dem we dem did kil fi bon sakrifais.

Luuk 13:1 Iomraidhean Croise

Matyu 27:1

Orli orli iina di maanin, aal a di ed priis an Juu elda dem miit op an mek op dem main fi kil Jiizas.

Matyu 27:2

Dem tai im op, kyari im go we an an im uova gi Pailat, di govana.

Aks 1:11

an se tu dem se, “Unu man we kom fram Gyalalii, wa mek unu tan op ya-so wid unu yai faasn pan di skai? Da siem Jiizas ya we unu si get tek op fram unu iina evn, im a-go kom bak di siem wie, jos laik ou unu si im go op iina evn.”

Aks 2:7

Dem did so shak dem kudn biliiv we dem did a ier, so dem aks, “Wiet, aal a dem piipl ya we a taak, no Gyalalii dem kom fram?

Aks 5:37

Afta dat wen di govament did a rait dong evribadi niem fi si umoch piipl did iina di konchri, Juudas we kom fram Gyalalii go gens di govament an get som piipl fi jain op wid im. Dem kil im an aal a im falara dem skyata tu.