Luuk 12:4 - Di Jamiekan Nyuu Testiment

⁴ “Mi fren, ier wa mi a se, no fried a uu kyan onggl kil di badi — dat a aal dem kyan du!

Luuk 12:4 Iomraidhean Croise

Matyu 10:28

No fried a nobadi, kaa dem kyan onggl kil di badi, dem kyaahn kil unu suol. Uu unu fi fried a a Gad, kaa im kyan dash unu dong a el, an mash op unu badi an suol.

Jan 15:13

Di bes wie sumadi kyan shuo se dem lov dem fren a fi gi op dem laif fi dem.

Aks 20:24

Bot fi mi laif no wot notn tu mi kaaz di onggl ting we mi a liv fa a fi mek shuor se mi don mi wok an du aal we mi Laad Jiizas gi mi fi du, fi tel evribadi bout di Gud Nyuuz — ou Gad lov wi, iivn duo wi no dizorv it.

Aks 4:13

Wen dem si ou Piita an Jan tan op chrang fi wa dem biliiv an wen dem lorn se dem a did jos aadineri sumadi we neva go a no skuul go lorn, dem shak. Den dem si se di tuu a dem did nuo Jiizas an did waak wid im fi a gud wail.

Filipiyan 1:28

An no mek nobadi we a fait gens unu fraitn unu niida. Tan op chrang an dat wi shuo dem se dem a-go luuz an dat unu a-go win. A Gad imself a-go mek unu win.

Jiemz 2:23

So it apm jos laik wa Gad wod did se, “Iebriyam biliiv iina Gad, an Gad se im eva du di rait sitn.” A so Iebriyam kom fi bi Gad fren.

1 Piita 3:14

Bot aal ef dem mek unu sofa kaaz unu a du wa rait — a bles unu bles! No fried a notn, an no wori unuself.

Revilieshan 2:10

No fried a di sitn dem wa unu bout fi sofa. Mi a tel unu, di devl a-go fling som a unu iina prizn fi tes unu. An unu a-go sofa fi ten die. Bot unu fi tan op chrang an chos mi siem wie, iivn ef dem mek op dem main fi kil unu. Kaaz siem laik ou wan rona get wan medal wen im win wan ries, mi wi gu'unu laif fi fu'unu praiz.