Luuk 11:2 - Di Jamiekan Nyuu Testiment

² Jiizas tel dem se, “Wen unu prie, unu fi se: “ ‘Faada, mek piipl av nof rispek fi yu an yu niem, Mek di taim kom wen yu ruul iina evri wie.

Luuk 11:2 Iomraidhean Croise

Matyu 10:32

“So den, enibadi we piipl nuo a mi falara, mi wi se dem a fi mi pikni infronta fi mi Faada we iina evn.

Matyu 3:2

Im se, “Ton we fram unu sin, kaa di die suun kom wen evn a-go ruul uova di worl iina evri wie!”

Matyu 5:16

A siem so unu fi shain unu lait mek evribadi si, da wie de dem kyan si di gud sitn we unu du an big op unu Faada we de a evn.

Luuk 11:1

Wan die Jiizas did de somwe a prie. Afta im don, wan a im speshal falara dem se tu im se, “Laad, shuo wi ou fi prie, laik ou Jan shuo fi im falara dem ou fi prie.”

Ruoman 1:7

So mi a rait da leta ya tu aal a unu iina Ruom we Gad lov an uu im kaal fi bi im piipl. Mi prie se wi Faada Gad an di Laad Jiizas Krais wi shuo unu lov iivn duo wi no dizorv it an gi unu piis iina unu aat.

Ruoman 8:15

Kaaz Gad neva gi unu wan Spirit we ton unu iina sliev an kaaz unu fi fried. Di Spirit we Gad gi wi, mek wi im pikni an a da Spirit de mek wi kyan taak tu Gad an kaal im “Faada, fi mi Faada.”

1 Korintiyan 1:3

Mi prie se wi Faada Gad an wi Laad Jiizas Krais wi shuo unu lov iivn duo wi no dizorv it an gi unu piis iina unu aat.

2 Korintiyan 1:2

Mi prie se wi Faada Gad an wi Laad Jiizas Krais wi shuo unu lov iivn duo wi no dizorv it an gi unu piis iina unu aat.

Gyalieshan 1:4

Jiizas gi op im laif fi siev wi fram wi sin dem an fi frii wi fram aal a di wikid sitn dem we a apm nou. A dat Faada Gad did waahn im fi du an so a dat im du.

Ifiijan 1:2

Mi a prie se Faada Gad an wi Laad Jiizas Krais, wi shuo unu lov iivn duo wi no dizorv it an gi unu piis iina unu aat.

Filipiyan 1:2

Mi prie se Faada Gad, an wi Laad Jiizas Krais wi lov unu, iivn duo wi no dizorv it. An mi prie tu se im wi gi unu piis iina unu aat.

Filipiyan 4:20

So mek wi big op an priez Faada Gad fi eva an eva! Iemen!

Koloshan 1:2

Wi a rait da leta ya tu aal a Gad piipl dem we de a Kolasi — di breda an sista dem we eva a chos iina Gad an we kluos tu Krais Jiizas: Wi prie se wi Faada Gad wi aalwiez shuo unu lov iivn duo wi no dizorv it, an gi unu piis iina unu aat.

1 Tesaluoniyan 1:1

Dis a Paal. A mi, Silvanos an Timoti a rait da leta ya. Wi a rait unu — aal a di piipl dem we de a Tesalonaika we biliiv iina Jiizas Krais, aal a uu a Gad an Krais Jiizas piipl dem: Mi prie se Gad wi aalwiez shuo unu im lov iivn duo wi no dizorv it an mek unu av piis iina unu aat.

1 Tesaluoniyan 1:3

Wi no tap prie an gi Faada Gad tangks fi unu kaaz wi memba ou unu du som gud sitn kaaz unu biliiv iina Jiizas. Wi memba ou unu wok wel aad kaaz unu lov im; an wi tingk bout ou unu neva eva tap luk tu im, an so unu kuda pres aan no mata wa.

2 Tesaluoniyan 2:16

Nou, wi prie tu wi Laad Jiizas Krais imself an wi Faada Gad — Gad lov wi an no tap gi wi gud wod fi mek wi aat chrang, an im mek wi kyan luk faawod tu som gud sitn tu we im pramis fi gi wi, duo wi no dizorv dem at aal at aal.

Revilieshan 11:15

Wen ienjel nomba sevn bluo fi im chompit, mi ier som loud vais iina evn a se, “Nou fi wi Gad, an Krais Jiizas av di rait fi ruul uova di uol worl an im a-go ruul fi eva an eva.”

Revilieshan 15:4

Uo Laad, uu wudn fried a yu, an big yu op an gi yu nof rispek, kaaz nobadi els no uoli laik yu? Aal a di piipl dem iina di worl afi go kom niil dong infronta yu an worship yu, kaaz evribadi si se evriting we yu du rait.”

Revilieshan 19:6

Den mi ier sopm laik wan big big kroud a piipl a shout, dem vais soun loud laik di naiz fram wan big big waatafaal, an laik wen torbl tonda a ruol, dem shout out: “Aliluuya! Kaaz fi wi Laad, di powaful Gad, a im ron tingz.

Revilieshan 20:4

Den mi si som chuon an di wan dem we did get powa fi ruul did sidong pan dem. An mi si di spirit fi di piipl dem uufa ed did get chap aaf kaaz dem biliiv iina Jiizas an tan op chrang fi im an fi Gad wod. Dem neva worship di wail animal ar di sitn we dem mek fi luk laik im an dem neva tek im maak pan dem farid ar pan dem an niida. Dem kom bak alaiv an ruul wid Krais Jiizas fi wan touzn ier.