Luuk 10:8 - Di Jamiekan Nyuu Testiment

⁸ “Enitaim unu go iina wan toun an di piipl dem tek unu iin, nyam we dem gi unu.

Luuk 10:8 Iomraidhean Croise

Matyu 10:40

“Enibadi we welkom unu, welkom mi. An enibadi we welkom mi, welkom di wan we sen mi kom.

Luuk 10:10

Bot ef unu go iina wan toun an dem no waahn tek unu iin, go iina di ruod an tel dem dis,

Luuk 9:48

Jiizas se tu dem se, “Enibadi we welkom da likl pikni ya, kaa im chos iina mi, welkom mi tu. An enibadi we tek mi iin, tek iin di wan we sen mi tu. Di wan mongks unu we de a di batam, a im av di tap a tap pozishan.”

Jan 13:20

Fi chuu chuu mi a tel unu se, enibadi we tek iin di sumadi mi sen tek mi iin tu, an enibadi we tek mi iin tek iin di wan we sen mi kom.”

1 Korintiyan 10:27

Ef sumadi we no biliiv iina Gad invait yu a dem yaad fi iit dina, an yu waahn go, gwaan an nyam di fuud we dem gi yu. No bada wori bout ef da fuud de rait ar rang fi yu iit.

1 Korintiyan 9:14

A siem so di Laad se dat di wan dem we go roun an tiich di Gud Nyuuz fi get wa dem niid fi liv fram di piipl dem we dem a tiich.