Luuk 10:7 - Di Jamiekan Nyuu Testiment

⁷ Di man we lov piis an tek unu iin, a fi'im yaad unu fi tan. Nyam an jringk wa dem gi unu, kaaz ef sumadi wok dem fi get pie. Unu fi tan a wan yaad an no muuv fram yaad tu yaad.

Luuk 10:7 Iomraidhean Croise

Maak 6:10

An im tel dem se, “Enitaim unu go iina wan ous, tan de til unu lef di ieriya.

Luuk 10:6

Ef di ed a di ous lov piis, di piis we unu kaal dong wi tan wid im, bot ef im no lov piis, di piis we unu kaal dong naa go tan wid im.

Luuk 9:4

Di fos sumadi we tek unu iina dem ous, tan wid dem til unu redi fi lef di toun.

Aks 16:15

Afta shi an di piipl we liv a ar ous get baptaiz, shi beg wi fi kom a ar yaad. Shi se, “Ef unu tek mi fi wan a di Laad piipl we riili biliiv iina im, kom tan a mi yaad.” Shi win wi uova, so wi go wid ar.

Aks 16:34

Di waadn kyari dem go a im yaad an gi dem som fuud fi iit. An im an im uol fambili did wel api se dem ton tu Gad an biliiv iina im.

Aks 16:40

Wen dem lef di prizn, dem go a Lidiya yaad. Dem taak tu di breda an sista dem an tel dem no fi tap biliiv iina Jiizas. Afta dat dem lef di siti.

Gyalieshan 6:6

Unu we a lorn Gad wod mos shier aal a di gud sitn dem we unu av wid unu tiicha.

1 Timoti 5:13

Plos, ef dem go roun fram yaad tu yaad dem wi get liezi. Dem wi get liezi an staat susu-susu, kaaz chobl, an taak tingz we dem no fi a taak.

2 Timoti 2:6

An di faama we wok aad, shuda di fos fi iit we gruo iina di fiil.