Luuk 1:51 - Di Jamiekan Nyuu Testiment

⁵¹ Im tek im an du som powaful sitn; im skyata skyata buosi piipl.

Luuk 1:51 Iomraidhean Croise

Ruoman 1:21

An iivn duo dem nuo se im a Gad, dem no chriit im laik se im a Gad. Dem no priez im an dem no gi im tangks fi aal we im du fi dem. Siek-a dat dem staat tingk bier fuulinish, notn we dem tingk no rait an dem kyaahn andastan notn bout Gad.

2 Korintiyan 10:5

an di sitn dem we dem se chuu dem ful-a demself, an we komiin laik wan waal a tap piipl fram nuo Gad. Wi a-go tier it dong. Di sitn dem we dem tingk an se, komiin laik wi enimi an siem laik ou suoja kech dem enimi an fling dem iina prizn, a siem so wi a-go kech evriting we dem tingk an fuos dem fi fala wa Krais Jiizas se.

1 Piita 5:5

Nou fi di wan dem we yongga dan di elda dem, a siem so unu fi lisn di elda dem an du wa dem se unu fi du. Evribadi we de iina di choch, unu fi ombl unuself an elp unu wan aneda, kaaz unu si iina Gad wod se, “Gad fait gens enibadi we buosi, bot im bles di wan dem we ombl demself.”

Revilieshan 18:8

Siek-a dat, iina wan die, torbl sofarieshan a-go tek ar: som a ar piipl a-go ded, piipl a-go ala an baal, nof staavieshan a-go de pan di lan. An faiya a-go bon ar op, kaaz di Laad Gad we joj ar, im powaful.