Koloshan 4:5 - Di Jamiekan Nyuu Testiment

⁵ Unu fi gwaan laik se unu av sens wen unu roun piipl we a no Krais Jiizas falara. No wies no taim, evri chaans unu get unu fi du dat.

Koloshan 4:5 Iomraidhean Croise

Matyu 10:16

Mi a sen unu out laik shiip mongks wulf. So waiz op laik siniek an tek it iizi laik dov.

Maak 4:11

So im ansa dem se, “Unu get di chaans fi nuo di siikrit sitn dem bout Gad kindom. Bot di piipl dem we de outsaid, mi yuuz tuori tel dem evriting,

Ruoman 16:19

Evribadi ier bout ou unu biliiv an a fala di Gud Nyuuz bout Krais Jiizas wid aal a unu aat an unu mek fi mi aat wel api wid aal we unu a du. Bot mi waahn unu fi waiz — mi waahn unu fi aalwiez nuo wa rait fi unu du an no av notn fi du wid no kain-a wikidnis.

Koloshan 3:16

An unu fi gwaan mek di mesij bout Krais Jiizas liv iina unu aat an bles unu iina evri wie. So tiich an waan unu wan aneda. Du it laik unu av sens, an du it wid Saamz, di im dem an di sang dem we Gad Spirit gi unu fi sing. Sing tu Faada Gad wid aal a unu aat an gi im tangks.

1 Tesaluoniyan 4:12

Da wie de, ou unu liv wi mek piipl we no biliiv an chos iina Gad rispek unu an unu no afi luk tu nobadi fi notn niida.

1 Timoti 3:7

A no jos piipl we biliiv iina Jiizas wan, bot aal piipl we no biliiv iina Jiizas mos taak gud bout im. Kaaz ef piipl rispek im nobadi kyaahn se notn wikid bout im an di devl naa go kyan chrap im.

Jiemz 1:5

Ef sumadi no waiz, aal dem afi du a aks Gad an im wi mek dem waiz, kaaz Gad naa go uol bak notn fram dem. Im wi gi dem wa dem aks fa so dem wi nuo se im lov dem.

Jiemz 3:13

Enibadi mongks unu waiz an av sens? Ef unu liv gud, ombl unuself an du wa rait, dat wi shuo se unu waiz.

Jiemz 3:17

Bot unu si di piipl dem we Gad mek waiz, fos ting bout dem, dem aat kliin, dem a no waar-buot, dem kier bout ada piipl, an dem no aad-iez. Dem kwik fi paadn piipl we du dem rang, an dem aalwiez du we rait. Dem no paashal an dem a no ipokrit niida.

1 Piita 3:1

A siem so aal a unu waif mos lisn unu ozban an du wa dem se unu fi du. Da wie de ef dem no biliiv iina Gad wod dem wi staat biliiv jos siek-a ou unu a gwaan. Unu wudn iivn afi se a ting tu dem.