Koloshan 2:1 - Di Jamiekan Nyuu Testiment

¹ Mi waahn unu nuo ou aad mi a wok fi unu, an fi di piipl dem we de iina Leyodiisiya an fi aal a uu neva miit mi yet an no nuo wa mi luk laik.

Koloshan 2:1 Iomraidhean Croise

Luuk 22:44

Jiizas did a sofa an dat mek im prie aada. Im swet komiin laik blod a jrap a grong.

Aks 20:25

“An aal a unu we mi did go roun an priich tu bout Gad kindom, mi nuo se unu naa go si mi fies agen.

Aks 20:38

An wa mek dem baal so a kaaz im tel dem se dem naa go si im fies agen. Den dem fala im go a di ship.

Gyalieshan 4:19

Mi pikni we mi lov, jos laik ou mada go chuu nof pien wen dem a av biebi — a siem so mi a fiil pien fi unu. An mi naa go tap fiil pien til unu an Jiizas a wan, an unu staat fi biyiev laik im.

Filipiyan 1:30

Di siem sitn dem we unu did si mi go chuu an ier se mi stil a-go chuu, a di siem sitn unu a diil wid nou.

Koloshan 1:24

Rait ya nou, mi api se mi a sofa fi unu. Mi a sofa laik ou Krais Jiizas did sofa, so mi kyan go chuu aal a we mi fi go chuu. Di sofarieshan mi a go chuu a fi mek gud sitn apm tu di choch, Krais badi.

Koloshan 1:29

A dis mi a wok fa. Mi a wok aad aad. Mi onggl kyan du dis kaaz Krais Jiizas gi mi powa fi du it.

Koloshan 2:5

Kaaz iivn duo mi mait no riili de wich paat unu de, mi spirit de de wid unu siem wie. An mi api fi si se aal a unu tugeda, a tan op chrang an a chos iina Krais Jiizas.

1 Tesaluoniyan 2:2

Unu nuo ou wen wi did de a Filipai di piipl dem we inchaaj did mek wi sofa. Dem shiem wi bad bot Gad gi wi di chrent fi kom tu unu siem wie an kom tel unu di Gud Nyuuz, iivn duo uol iip a piipl did a chrai fi tap wi,

Iibruu 5:7

Wen Jiizas did de ya pan ort a liv, im did prie tu Gad aad aad, di wan we kuda siev im an no mek im ded. Im krai out loud an baal yai-waata. An Gad did ier im kaaz Jiizas did ombl imself, chos iina Gad an did eva redi fi du wa Gad tel im fi du.

1 Piita 1:8

Unu neva si Jiizas yet, bot unu lov im siem wie; an iivn duo unu kyaahn si im nou wid unu yai dem, unu stil biliiv an chos iina im. An no wod no de we kyan mek piipl riili nuo ou glad an api unu bi!

Revilieshan 1:11

Di vais se tu mi se, “Rait dong dem sitn ya we yu si iina wan buk an sen it go a di sevn choch dem: sen it go a Efisos, Simorna, Porgamom, Taiyataira, Saadis, Filidelfiya an Leyodiisiya.”