Koloshan 1:9 - Di Jamiekan Nyuu Testiment

⁹ Siek-a dis, fram di die wi ier dat, wi no tap prie fi unu an a aks Gad fi mek unu nuo fi shuor wa im waahn unu fi du. Wi prie se im Spirit wi mek unu waiz an kyan andastan. Da wie de unu wi riili nuo wa im waahn.

Koloshan 1:9 Iomraidhean Croise

Jan 7:17

Ef sumadi mek op dem main fi du wa Gad waahn dem fi du, dem a-go fain out ef a riili Gad gi mi wa fi tiich ar ef a mi jos a taak fi miself.

Aks 12:5

So dem kip Piita lak op iina prizn, bot di choch piipl dem did a prie tu Gad wid aal a dem aat fi im.

Ruoman 12:2

No mek di piipl we de iina di worl tel unu ou fi liv. Insted-a dat mek Gad chienj di wie ou unu tingk so dat im kyan chienj di wie ou unu a liv. Da wie de unu wi nuo aal a wa Gad waahn unu fi du — unu wi nuo we rait, unu wi nuo wa mek Gad api an unu wi nuo ou im waahn unu fi liv.

1 Korintiyan 1:5

An kaaz unu an Jiizas kluos, Gad bles unu wid nof gud sitn. Im mek unu kyan priich im wod an im mek unu kyan andastan evriting we de de fi nuo bout im Spirit.

Ifiijan 1:8

An im did riili gud an kain tu wi — gud an kain kyaahn don. Pan tap a dat, im mek wi waiz an kyan andastan evriting.

Ifiijan 5:10

Chrai fain out we di Laad riili waahn unu fi du.

Ifiijan 5:17

So no bada gwaan laik unu chupid. Fain out we di Laad riili waahn unu fi du.

Ifiijan 6:6

Unu fi du wa dem tel unu se unu fi du. Du it no onggl kaaz dem a wach unu an unu waahn dem fi tingk se unu a du gud. Bot du it kaaz unu a Krais Jiizas sliev, an unu nuo we Gad waahn unu fi du.

Filipiyan 1:4

Evritaim mi prie fi unu, sitn bobl op iina mi aat an mek mi wel api.

Koloshan 1:6

Piipl did bring di Gud Nyuuz kom gi unu. An dem kyari it aal uova di worl. It a bier fruut an a gruo jos laik ou it du mongks unu fram di fos die unu ier it an andastan umoch Gad riili lov wi fi chuu, an ou im chriit wi gud iivn duo wi no dizorv it.

Koloshan 3:16

An unu fi gwaan mek di mesij bout Krais Jiizas liv iina unu aat an bles unu iina evri wie. So tiich an waan unu wan aneda. Du it laik unu av sens, an du it wid Saamz, di im dem an di sang dem we Gad Spirit gi unu fi sing. Sing tu Faada Gad wid aal a unu aat an gi im tangks.

Koloshan 4:12

Epafras, we kom fram mongks unu, an we a wan a Krais Jiizas sorvant dem, im se oudi tu. Im eva a prie fi unu wid aal a im aat. Im prie se unu wi tan op chrang iina Gad an no tap chos iina im. Im prie se unu wi biliiv iina Gad so til nobadi kyaahn mek unu tap chos iina im. An im prie aad se unu wi nuo fi shuor wa Gad waahn unu fi du an fi biliiv.

Koloshan 4:5

Unu fi gwaan laik se unu av sens wen unu roun piipl we a no Krais Jiizas falara. No wies no taim, evri chaans unu get unu fi du dat.

1 Tesaluoniyan 1:3

Wi no tap prie an gi Faada Gad tangks fi unu kaaz wi memba ou unu du som gud sitn kaaz unu biliiv iina Jiizas. Wi memba ou unu wok wel aad kaaz unu lov im; an wi tingk bout ou unu neva eva tap luk tu im, an so unu kuda pres aan no mata wa.

1 Tesaluoniyan 5:17

No tap prie.

2 Tesaluoniyan 1:11

A dat mek wi kip aan a prie fi unu. Wi prie se Gad wi mek unu gud inof fi di kain-a laif we im kaal unu fa. An wi prie se Gad wi elp unu so dat wid fi im powa unu wi du aal a di gud sitn dem we unu waahn fi du, an unu wi du dem tu kaaz unu biliiv iina im.

Failiiman 1:4

Evritaim mi prie tu Gad mi memba yu Failiiman. An mi gi Gad tangks fi yu,

Failiiman 1:6

Az yu andastan aal a di gud sitn dem we Gad gi wi kaaz wi an Krais Jiizas a wan, mi prie se di fiet we yu shier wid wi an aal a Gad piipl wi gruo.

Iibruu 10:36

Unu afi uol aan an pres chuu fi du wa Gad waahn unu fi du, an so get di sitn dem we im pramis fi gi unu.

Iibruu 13:21

wi gi unu aal a di gud sitn dem we impuotant fi go du wa im waahn unu fi du. Mi prie tu se im wi mek wi ton aal a wa im waahn wi fi ton. An dis wi apm kaaz im wi mek Krais Jiizas du dat. Di piipl dem fi priez Krais Jiizas fi eva an eva an lif im op. Iemen.

Jiemz 1:5

Ef sumadi no waiz, aal dem afi du a aks Gad an im wi mek dem waiz, kaaz Gad naa go uol bak notn fram dem. Im wi gi dem wa dem aks fa so dem wi nuo se im lov dem.

Jiemz 3:17

Bot unu si di piipl dem we Gad mek waiz, fos ting bout dem, dem aat kliin, dem a no waar-buot, dem kier bout ada piipl, an dem no aad-iez. Dem kwik fi paadn piipl we du dem rang, an dem aalwiez du we rait. Dem no paashal an dem a no ipokrit niida.

1 Piita 2:15

Wa Gad waahn a fi unu du wa rait, an da wie de aal a uu no nuo beta an a chat fuulinish wi tap dem naiz.

1 Piita 4:2

Fram nou aan den, da sumadi de no fi spen di res a dem laif pan da ort ya a du aal kain-a sitn we no av notn fi du wid Gad laka wan taim, kaaz a dat dem mait-a waahn fi du. Nuo, dem fi liv ou Gad waahn dem fi liv.

1 Jan 2:17

Di worl an aal a di wikid sitn dem iina it a go we bot aal a di piipl dem we du we Gad waahn dem fi du wi liv fi eva.

1 Jan 5:20

Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.