Koloshan 1:7 - Di Jamiekan Nyuu Testiment

⁷ Dis a di sed sitn unu lorn fram wi breda Epafras. Wi lov im. Im sorv Krais Jiizas, jos laik wi, an im wok gud tu. Im wok fi Jiizas no mata wa, an wen im du dat im elp wi.

Koloshan 1:7 Iomraidhean Croise

Matyu 18:29

“Di neda wan we a wan sorvant jos laik im jrap pan im nii an beg im, ‘Du, tek taim wid mi. Gi mi som taim an mi wi pie bak aal a we mi uo yu.’

Matyu 24:45

“So den, a uu a di waiz sorvant we di maasta kyan chos fi dwi'im wok? Uu a di wan we di maasta put inchaaj a im uol ous, an mek shier out di sorvant dem fuud wen a taim fi dem nyam?

Matyu 25:21

“Im maasta se, ‘Yu du gud mi sorvant! Yu a wan gud sorvant an mi kyan chos yu. Yu tek gud kier a wan likl sitn, so mi a-go mek yu tek chaaj a biga tingz! Kom kom nyam fuud an daans an praans wid mi.’

1 Korintiyan 4:17

A so mek mi a sen Timoti tu unu, Timoti we mi lov an we komiin laik mi pikni kaaz di tuu a wi biliiv iina di siem Gad. Mi a sen im fi elp unu memba aal a di sitn dem we mi did tiich unu bout Krais Jiizas. A di siem sitn mi a tiich aal bout iina aal a di choch dem.

1 Korintiyan 4:2

Nou ef yu a wan sorvant, di onggl sitn yu maasta waahn, a fi yu du wa im gi yu fi du, an fi yu du it gud tu.

1 Korintiyan 7:25

Nou fi di piipl dem we neva av seks wid nobadi yet, Gad neva gi mi no ruul fi unu. Bot Gad gud an kain tu mi an im elp mi so moch dat unu kyan chos wa mi bout fi tel unu.

2 Korintiyan 11:23

Dem a Krais Jiizas sorvant? (Mi a taak laik wan riil madman nou.) Mi a muor Krais sorvant dan dem. Mi wok aada dan dem. Mi get lak op iina prizn nof muor taim dan dem. Mi get nof muor biitn dan dem an a nof taim mi aalmuos ded.

Ifiijan 5:21

Kaaz unu av nof rispek fi di Laad Jiizas, unu fi ombl unuself an lisn tu unu wan aneda.

Filipiyan 2:25

Bot mi tingk se mi riili afi go sen bak Epafrodaitos kom a unu. Im a mi breda an di tuu a wi wok tugeda an im tan op chrang wid mi laik wan suoja. A im unu did sen fi tek kier a aal wa mi did niid.

Koloshan 4:12

Epafras, we kom fram mongks unu, an we a wan a Krais Jiizas sorvant dem, im se oudi tu. Im eva a prie fi unu wid aal a im aat. Im prie se unu wi tan op chrang iina Gad an no tap chos iina im. Im prie se unu wi biliiv iina Gad so til nobadi kyaahn mek unu tap chos iina im. An im prie aad se unu wi nuo fi shuor wa Gad waahn unu fi du an fi biliiv.

Koloshan 4:7

Taikikos, a wi gud gud breda. Im eva a chos iina Gad. Wi lov im. Im a wok fi di Laad jos laik wi. Im wi tel unu aal a wa a apm tu mi.

Koloshan 4:9

Im a kom wid Oniisimos, wi gud gud breda we wi lov tu, an we eva chos iina Gad. Im a wan a unu. Di tuu a dem wi mek unu nuo wa a gwaan uova ya-so.

1 Timoti 4:6

Timoti, yu wi bi wan gud sorvant fi Jiizas Krais ef yu tiich di piipl di chuut bout dem sitn ya, gwaan kip di chuu mesij bout Krais Jiizas kluos tu yu aat an gwaan fala di chuu sitn dem we mi did tiich yu.

2 Timoti 2:2

Yu si di sitn dem wa yu ier mi tiich an priich bout Jiizas Krais infronta nof piipl, yu fi tiich it tu piipl we yu kyan chos an we kyan tiich tu. Tiich it tu dem so dat dem kyan go tiich ada piipl.

Failiiman 1:23

Epafras we iina prizn jos laka mi kaaz im tiich bout Jiizas, sen oudi fi yu.

Iibruu 2:17

So siek-a aal a dem sitn de nou, im did afi ton laik im breda an sista dem we de pan ort. Im did afi ton laik dem iina evri wie. Da wie de, az Gad elpa, im kuda ton wan liida fi di priis dem we Gad kyan chos, an im wi gud an kain tu piipl kaaz im andastan we dem a go chuu. An im kuda kom tek we di piipl dem sin tu.

Iibruu 3:2

Gad kaal im an im aalwiez du we Gad se im fi du, jos laik ou Muoziz did du wa Gad tel im fi du wen im did a liid di piipl dem.