Koloshan 1:6 - Di Jamiekan Nyuu Testiment

⁶ Piipl did bring di Gud Nyuuz kom gi unu. An dem kyari it aal uova di worl. It a bier fruut an a gruo jos laik ou it du mongks unu fram di fos die unu ier it an andastan umoch Gad riili lov wi fi chuu, an ou im chriit wi gud iivn duo wi no dizorv it.

Koloshan 1:6 Iomraidhean Croise

Matyu 24:14

An da Gud Nyuuz ya bout Gad Kindom afi go priich aal uova di worl. So evribadi wi get di chaans fi ier di chuut. A onggl afta dat, di worl a-go don.

Matyu 28:19

So gwaan, yuuz fi mi powa, tiich mi mesij tu piipl evriwe, so dem kyan ton mi falara tu. An yuuz di powa we di Faada, di Bwai Pikni an di Uoli Spirit gi an baptaiz dem.

Maak 16:15

Im tel dem se, “Go aal uova di worl an priich di Gud Nyuuz tu evribadi.

Maak 4:8

Bot som a di siid dem jrap pan gud grong, an kom bier fuud. Som bier toti an siksti an iivn onjrid taim muo dan wa di faama did plaant.”

Jan 15:16

“A no unu pik mi, a mi pik unu an put unu wan said fi bier nof fruut — di kain-a fruut we a-go laas fi eva. Wen dat apm, mi Faada gweehn gu'unu eniting unu aks im fa kaa unu a mi falara.

Jan 17:19

A siek-a dem mek mi gi op miself fi sorv yu. Mi dwi'it so dem mait-a riili riili gi op demself fi sorv yu tu.

Jan 4:23

Bot di die an taim de kom — an it de ya nou — wen di piipl dem we riili worship di Faada gweehn worship im ou di Spirit waahn dem fi worship an fram wie dong iina dem aat. Kaaz a dem de saat a piipl de di Faada a luk fa fi worship im.

Aks 11:18

Wen dem ier aal we Piita se dem tap aagyu wid im. Insted-a dat dem staat priez Gad an se, “So den Gad gi di piipl we a no Juu di chaans fi ton we fram dem sin an get siev so dem kyan liv fi eva an eva.”

Aks 12:24

Bot muor an muor piipl ier Gad wod an staat biliiv iina Jiizas.

Aks 16:14

Yu did av wan uman mongks dem fram Taiyataira niem Lidiya we yuus tu sel som dier porpl klaat. Shi did lov Gad so moch dat shi aalwiez a du di sitn dem we shi nuo Gad waahn ar fi du. Di Laad toch ar aat mek shi andastan an biliiv wa Paal did a se.

Aks 26:18

Mi a sen yu tu dem so yu kyan elp dem fi si an kom outa di daaknis an kom iina di lait. An mi a sen yu fi elp dem get frii fram Sietan powa an mek Gad ruul dem laif. Da wie de dem wi ton paat a Gad piipl uufa sin im paadn kaaz dem biliiv iina im.’

Ruoman 1:13

Breda an sista mi waahn unu fi nuo se a nof taim mi mek fi kom si unu bot sopm aalwiez tap mi fram kom. Mi wel waahn fi kom si unu, so dat mi kyan elp di piipl mongks unu fi biliiv an fala Jiizas Krais siem laik ou mi elp di res a piipl dem we a no Juu fi biliiv an fala Jiizas.

Ruoman 15:19

an siek-a di sain dem an di mirikl dem we Gad Spirit gi mi di powa fi du. So fram Jeruusilem go klier a Ilirikom, mi priich di Gud Nyuuz bout Krais Jiizas aal bout.

Ruoman 15:28

So den afta mi don aal a dis an mek shuor di moni riich dem sief, mi wi ed out fi Spien bot mi a-go kom fi unu wie,

Ruoman 16:26

bot we Gad mek wi nuo bout nou. Gad we liv fi eva an eva, tel di prafit dem fi rait dong dem sitn ya iina Gad wod, an sen out piipl fi priich bout it so dat evribadi wuda nuo di chuut an staat fi biliiv an fala Gad.

2 Korintiyan 10:14

So wi neva did a paas wi plies wen wi buos bout unu kaaz wi a di fos wan fi kom tu unu an priich di Gud Nyuuz bout Krais Jiizas. Ef a neva wi kom priich tu unu, wi kudn a brag an buos bout unu.

2 Korintiyan 6:1

So sins wi wok wid Gad, wi a beg unu, im so gud an kain tu unu, no mek it kom tu notn, no bada wies it.

Ifiijan 3:2

Nou, mi shuor se unu ier aredi ou Gad lov mi iivn duo mi no dizorv it. Im pik mi fi da speshal wok ya — fi priich tu unu we a no Juu.

Ifiijan 4:21

Mi shuor se wa unu ier bout im, an wa unu lorn bout im, a di chuu mesij bout im.

Ifiijan 4:23

Unu lorn ou fi kanchuol unu spirit an unu main fi tingk iina wan nyuu wie.

Ifiijan 5:9

(kaaz di sitn dem we kom fram di lait, a onggl wa gud, rait an chuu).

Filipiyan 1:11

an dat evriting we unu du wi gud fi chuu — a onggl Krais Jiizas kyan mek unu du dem sitn de. Mi a prie fi aal a dat so dat Faada Gad wi get nof rispek an priez.

Filipiyan 4:17

A no muor moni mi a luk fram unu mek mi a se dem sitn ya, bot mi waahn unu du muor an muor gud sitn so Gad wi pie unu bak wid aal braata.

Koloshan 1:10

An a so kom unu wi kyan liv laik Gad piipl an eva du di sitn dem we wi mek im api: Unu wi du aal kain-a gud sitn, an get fi riili nuo Gad muo an muo tu.

Koloshan 1:23

A so it go, ef unu riili uol aan chrang an gwaan chos iina im, an ef unu no tap luk faawod tu di gud sitn dem unu ier bout wen unu ier di Gud Nyuuz. Piipl pred da Gud Nyuuz de aal uova di worl. An mi, Paal, mi ton Gad sorvant, so mi kyan pred di Gud Nyuuz tu.

1 Tesaluoniyan 1:5

Kaaz wen wi did bring wi Gud Nyuuz kom, a neehn suo-so wod wi bring kom, bot wi bring di mesij wid powa we kom fram di Uoli Spirit. An unu si se wi biliiv wid aal a wi aat se di Gud Nyuuz a chuu. Unu si aal a wa wi did du wen wi did liv mongks unu? Wi did du aal a dem sitn de fi elp unu.

1 Tesaluoniyan 2:13

An siek-a dis wi gi Gad tangks aal di wail. Kaaz wen unu tek iin Gad wod we unu did ier fram wi, unu neehn tek it laik a wod we kom fram man, bot unu tek it fi wa it bi fi chuu — Gad wod, we a wok iina aal a unu we biliiv.

2 Tesaluoniyan 2:13

Bot breda an sista, wi afi gi Gad tangks fi unu aal di wail. Di Laad lov unu an so im pik unu an kaal unu fi get siev fram iivn bifuo im mek di worl. Di Spirit kliin unu op fi Gad, an unu biliiv iina di chuut tu, so unu get siev.

1 Piita 5:12

Silvanos, uu a laik mi breda, we riili chos iina Jiizas, a im elp fi rait da leta ya, so widoutn mek it tuu lang, mi rait fi jos elp unu fi gwaan uol aan pan Gad, an fi tel unu chrang chrang se wa Gad du fi unu riili a shuo se im lov unu bad bad. Tan op chrang iina da lov de.