Koloshan 1:5 - Di Jamiekan Nyuu Testiment

⁵ Unu du dem sitn de kaaz unu a luk fi get wa Gad put op iina evn fi wi, an unu nuo fi shuor se unu a-go get dem. Wa Gad put op a di sed sitn dem we unu did ier bout wen unu did ier di Gud Nyuuz, an da mesij de chuu.

Koloshan 1:5 Iomraidhean Croise

Luuk 12:33

Sel wa unu av an elp di puor so unu kyan get moni we kyaahn ron out an stuor op aal kain-a gud sitn fi unuself iina evn. Wa de op de-so no tiif kyaahn kom tek an no mat kyaahn kom nyam nyam op.

Aks 10:36

Unu nuo di mesij we Gad sen kom tu di Izrel piipl. Di mesij we se dat Gad a-go yuuz Jiizas we a Laad fi evribadi fi mek tingz rait wid im an piipl.

Aks 13:26

“Breda an sista we a Iebriyam pikni, an aal a unu we a no Juu we rispek Gad, a wi di mesij kom tu bout ou Gad siev piipl.

Aks 23:6

Bot wen Paal si se som a dem a did Sadyusii an som a dem a did Farisii, im shout out iina di miitn, “Mi Breda, mi a wan Farisii, an mi faada a wan Farisii tu. A kaaz mi biliiv se ded piipl a-go kom bak alaiv mek dem a joj mi.”

Aks 24:15

Mi an dem man ya biliiv di siem ting. Wi a wiet an a luk fi Gad mek ded piipl kom bak alaiv, weda dem did gud ar bad.

Ruoman 10:8

Wa els Gad wod se? It se: “Gad mesij de kluos tu unu, it de iina unu mout an iina unu aat.” A da siem mesij de wi a priich; di mesij we se yu afi chos Gad.

1 Korintiyan 13:13

So nou a chrii tingz lef we wi fi gwaan du: chos iina Gad, gwaan biliiv se im a-go gi wi wa im se im a-go gi wi an fi lov wi wan aneda. Outa aal a dem di muos impuotant wan a lov.

1 Korintiyan 15:19

So ef wi kyan onggl chos Krais Jiizas fi siev wi iina da laif ya an no di neks wan, den muo dan enibadi els, a wi piipl shuda a sari fa.

2 Korintiyan 5:19

Wa mi a se a dat Gad yuuz Jiizas fi mek tingz rait bitwiin im an di uol worl. Gad naa uol dem sin gens dem an im sen wi fi tel piipl bout ou im mek tingz rait bitwiin dem an im.

2 Korintiyan 6:7

Wi onggl tiich di chuut an Gad powa a wok iina wi. An siem laik ou suoja yuuz di wepan iina dem lef an fi protek demself an di wan iina dem rait an fi fait di piipl dem we a kom gens dem a siem so di gud we wi du wi fait an protek wi fram evriting we wuda kom gens wi.

Gyalieshan 2:14

Bot wen mi si se dem naa ak laik ou di Gud Nyuuz se wi fi ak, infronta evribadi mi se tu Siifas se, “Ef yu a wan Juu an a liv laik di piipl dem we a no Juu, ou yu tingk yu a-go get dem piipl de fi staat liv laik ou Juu liv?”

Gyalieshan 2:5

Bot wi neva gi iin tu dem — no iivn fi a likl. Wi neva du wa dem waahn kaaz wi did waahn fi mek shuor se unu gwaan biliiv di chuu mesij bout Jiizas we wi did tiich unu.

Gyalieshan 5:5

Bot yu si wi, di wan dem we a chos iina Jiizas Krais, di Uoli Spirit mek wi nuo fi shuor se wi a-go get aal a wa Gad pramis fi gi wi. So wi kyan wiet an luk fi aal we Gad pramis fi gi wi kaaz Gad mek tingz rait bitwiin wi an im aredi.

Ifiijan 1:13

An wen unu did ier Gad wod — di chuu mesij we siev unu — wen unu biliiv iina Krais Jiizas, Gad gi unu im Uoli Spirit we im did pramis, fi shuo se unu a fi im.

Ifiijan 4:21

Mi shuor se wa unu ier bout im, an wa unu lorn bout im, a di chuu mesij bout im.

Koloshan 1:23

A so it go, ef unu riili uol aan chrang an gwaan chos iina im, an ef unu no tap luk faawod tu di gud sitn dem unu ier bout wen unu ier di Gud Nyuuz. Piipl pred da Gud Nyuuz de aal uova di worl. An mi, Paal, mi ton Gad sorvant, so mi kyan pred di Gud Nyuuz tu.

Koloshan 1:27

Gad did waahn dem nuo umoch im riili riili bles unu — unu piipl we kom fram aal bout. Da mesij ya se Krais Jiizas liv iina unu aat, an unu kyan luk fi kom si an nuo ou Gad big an powaful.

Koloshan 3:16

An unu fi gwaan mek di mesij bout Krais Jiizas liv iina unu aat an bles unu iina evri wie. So tiich an waan unu wan aneda. Du it laik unu av sens, an du it wid Saamz, di im dem an di sang dem we Gad Spirit gi unu fi sing. Sing tu Faada Gad wid aal a unu aat an gi im tangks.

1 Tesaluoniyan 2:13

An siek-a dis wi gi Gad tangks aal di wail. Kaaz wen unu tek iin Gad wod we unu did ier fram wi, unu neehn tek it laik a wod we kom fram man, bot unu tek it fi wa it bi fi chuu — Gad wod, we a wok iina aal a unu we biliiv.

2 Tesaluoniyan 2:16

Nou, wi prie tu wi Laad Jiizas Krais imself an wi Faada Gad — Gad lov wi an no tap gi wi gud wod fi mek wi aat chrang, an im mek wi kyan luk faawod tu som gud sitn tu we im pramis fi gi wi, duo wi no dizorv dem at aal at aal.

1 Timoti 1:15

Nou lisn mi gud kaaz wa mi bout fi tel yu a no no lai bot a chuu sopm we di uol a wi fi tek an biliiv: Jiizas kom iina di worl fi siev sina. Luk pan mi, mi a did di wos kain-a sina an Gad siev mi.

2 Timoti 4:8

Di Laad we aalwiez fier tu evribadi wen im a joj dem, a-go gi mi wan kroun fi aal a di wok we mi du. Im a-go gi mi it wen im kom bak fi joj di worl. An a no mi wan a-go get kroun, im a-go gi evribadi we did a lang fi im kom bak.

Taitos 1:2

An wen dem andastan Gad wod it wi gi dem sopm fi luk faawod tu. Dem wi luk fi si an nuo fi shuor se Gad wi mek dem liv fi eva. Kaaz lang bifuo di worl did mek Gad pramis fi mek wi liv fi eva, an Gad no lai.

Iibruu 7:19

Kaaz di laa kudn mek notn ton aal we it fi ton. Bot nou Gad gi wi sitn beta fi luk faawod tu an dat bring wi kluos tu im.

1 Piita 2:2

An jos laik ou yong biebi no waahn notn bot dem mada milk, a siem so unu fi wel waahn Gad wod — dat a fi unu milk. Da wie de, unu naa go jos get siev an a it dat, bot unu wi gruo,

1 Piita 3:15

Unu fi andastan se Krais Jiizas a di onggl Laad, an worship im wan. An unu fi aalwiez redi fi ansa enibadi we aks unu a wa mek unu chos iina Krais Jiizas so.

2 Piita 1:12

A dat mek mi afi memba unu aal di wail bout dem sitn ya; iivn duo unu nuo dem aredi an don a uol aan chrang pan di chuu mesij we unu get aredi.

1 Jan 3:3

Evribadi we biliiv se Jiizas a-go mek dem jos laik imself, kip we fram sin, jos laik ou Jiizas kip we fram sin.