Koloshan 1:10 - Di Jamiekan Nyuu Testiment

¹⁰ An a so kom unu wi kyan liv laik Gad piipl an eva du di sitn dem we wi mek im api: Unu wi du aal kain-a gud sitn, an get fi riili nuo Gad muo an muo tu.

Koloshan 1:10 Iomraidhean Croise

Jan 15:16

“A no unu pik mi, a mi pik unu an put unu wan said fi bier nof fruut — di kain-a fruut we a-go laas fi eva. Wen dat apm, mi Faada gweehn gu'unu eniting unu aks im fa kaa unu a mi falara.

Jan 15:8

Wen unu bier nof fruut an shuo se unu a fi mi falara, da wie de mi Faada get nof rispek.

Jan 17:3

Fi liv fi eva miin se dem nuo yu, di onggl wan we a riili Gad, an dat dem nuo Jiizas Krais, di wan yu sen kom.

Ruoman 1:13

Breda an sista mi waahn unu fi nuo se a nof taim mi mek fi kom si unu bot sopm aalwiez tap mi fram kom. Mi wel waahn fi kom si unu, so dat mi kyan elp di piipl mongks unu fi biliiv an fala Jiizas Krais siem laik ou mi elp di res a piipl dem we a no Juu fi biliiv an fala Jiizas.

Ruoman 4:12

An a no jos dem piipl de im a faada fa, Iebriyam a faada tu fi di piipl dem we sorkomsaiz an we biliiv iina Gad laik ou Iebriyam did biliiv iina Gad bifuo im get sorkomsaiz.

Ruoman 6:4

Wen wi did get baptaiz, a laik wi did ded an beri wid Jiizas Krais. Wi did ded an beri wid im so dat siem laik ou di Faada yuuz fi im griet powa an mek Krais Jiizas kom bak alaiv, a siem so im wuda mek wi kom bak alaiv an gi wi wan nyuu laif.

2 Korintiyan 2:14

Wi tangk Gad we mek wi eva a win gens di wikid sitn dem we wi fies, chuu wi an Jiizas a wan. Gad yuuz wi fi pred di Gud Nyuuz bout Jiizas aal bout, an da Gud Nyuuz de komiin laik wan swiit swiit sumel.

2 Korintiyan 4:6

Di Gad we se, “Mek di lait shain iina di daak,” a im siem wan mek im lait shain iina wi aat so dat wi kyan andastan umoch im lov wi an ou powaful im bi. An wi onggl get fi andastan dem sitn de wen wi biliiv iina Krais Jiizas.

2 Korintiyan 5:9

An so, wi mek shuor se evriting wi du a fi mek Gad api weda wi a liv pan ort ar wi de iina evn wid im.

2 Korintiyan 9:8

Gad av di powa fi gi unu aal we unu kuda niid an im wi aalwiez gi yu muor dan inof so dat unu kyan gi tu piipl we niid it.

Ifiijan 1:17

Mi prie se di Gad fi wi Laad Jiizas, di Faada we big an powaful iina evri wie, wi kaaz unu fi waiz an andastan evriting, so dat unu kyan nuo im beta.

Ifiijan 2:10

A Gad mek wi tan ou wi tan. Gad mek wi an Jiizas wan, so wi kyan du di gud sitn dem we im did plan fi wi du fram wie bak wen.

Ifiijan 4:1

So den, mi we de a prizn kaaz mi a sorv di Laad, a beg unu — unu we Gad pik fi bi im piipl; mi a beg unu fi liv ou Gad waahn unu fi liv.

Ifiijan 4:13

chrang, so til di uol a wi ton wan; wan, kaaz aal a wi chos iina Gad Bwai Pikni iina di siem wie, an aal a wi gruo op an biyiev jos laik im.

Ifiijan 5:10

Chrai fain out we di Laad riili waahn unu fi du.

Ifiijan 5:15

Wach ou unu liv. No gwaan laik unu a fuul. Ak laik se unu av sens.

Ifiijan 5:2

Lov unu wan aneda, jos laik ou Krais Jiizas lov unu. Im gi op im laif fi wi laik wan swiit sakrifais we dem bon pan alta gi Gad.

Filipiyan 1:11

an dat evriting we unu du wi gud fi chuu — a onggl Krais Jiizas kyan mek unu du dem sitn de. Mi a prie fi aal a dat so dat Faada Gad wi get nof rispek an priez.

Filipiyan 1:27

So mek shuor se unu liv ou di Gud Nyuuz bout Krais Jiizas se unu fi liv. Da wie de weda mi kom luk fi unu, ar mi no kom, mi wi ier se aal a unu a tan op chrang tugeda fi di siem ting an a fait fi wa unu biliiv bout di Gud Nyuuz.

Filipiyan 4:18

Mi get aal a di sitn dem we unu sen. An nou, mi av muor dan we mi niid. So, mi gud nou, kaaz Epafrodaitos gi mi evriting we unu sen kom. Aal a we unu sen kom, komiin laik di swiit sumel we kom fram sakrifais we Gad lov. An Gad api wid dat.

Koloshan 2:19

Jiizas Krais a di ed, an dem no diil wid di ed no muo. A di ed kanchuol di badi. An di uol badi dipen pan it. Di ed mek di jaint an di mosl dem kom tugeda, an a dem uol op di badi. A dat mek evri paat a di badi wok tugeda, an so di badi gruo ou Gad waahn it fi gruo.

Koloshan 2:6

Sins unu tek Krais Jiizas fi unu Laad, unu fi liv laik sumadi we kluos tu im.

Koloshan 3:20

Pikni, unu fi ier wa unu mada an faada se unu fi du, kaaz a dat di Laad lov.

Koloshan 4:5

Unu fi gwaan laik se unu av sens wen unu roun piipl we a no Krais Jiizas falara. No wies no taim, evri chaans unu get unu fi du dat.

1 Tesaluoniyan 2:12

Wi gi unu gud wod, wi gi unu chrent an wi kip aan a beg unu fi liv laik Gad piipl. Kaaz a im kaal unu iina fi im kindom an kaal unu fi kom nuo ou big an powaful im bi.

1 Tesaluoniyan 4:1

Nou, breda an sista, fi don wa wi did a se bifuo: wi did don tiich unu aredi ou fi liv so Gad wi api wid unu (an wi nuo se a so unu a liv). Bot, wi a aks unu, an a beg unu iina di Laad Jiizas niem fi liv so muo an muo.

2 Timoti 2:4

Riil suoja no bada imself wid evridie laif. Im onggl bizniz wid di aami wok, kaaz im waahn fi mek im komaanda api.

Taitos 3:1

Mek shuor di piipl dem memba se dem fi rispek an fala di ruula dem fi di konchri an di piipl dem we iina powa; dem fi lisn, fala an eva redi fi du aal kain-a gud sitn.

Taitos 3:14

Di piipl we biliiv iina Jiizas an we iina Kriit mos lorn fi wok aad an du gud sitn, so dat dem wi aalwiez av inof, so dem kyan gi piipl we niid it.

Iibruu 11:5

Kaaz Iinok did chos iina Gad, Gad did tek im op wich paat im de wen im did stil alaiv, so im neehn ded at aal, an nobadi kudn fain im kaa Gad did tek im op. An Gad du dat kaa im did mek Gad api siek-a wa im du.

Iibruu 13:16

An no figet fi du wa gud, an fi shier we unu av, kaaz Gad lov dem kain-a sakrifais de.

Iibruu 13:21

wi gi unu aal a di gud sitn dem we impuotant fi go du wa im waahn unu fi du. Mi prie tu se im wi mek wi ton aal a wa im waahn wi fi ton. An dis wi apm kaaz im wi mek Krais Jiizas du dat. Di piipl dem fi priez Krais Jiizas fi eva an eva an lif im op. Iemen.

2 Piita 1:8

Ef unu av dem kain-a wiez ya, an unu riili nuo di Laad Jiizas Krais, dem sitn ya wi gruo muo an muo iina unu aat. An gud sitn wi apm iina unu laif.

2 Piita 3:18

Gwaan mek wi Laad Jiizas Krais we siev wi, lov unu an chriit unu gud, an unu fi gwaan lorn muo an muo bout im tu. Mi prie se im wi get di priez, tide, tumaro an fi eva! Iemen.

1 Jan 3:22

an eniting wi aks Gad fa im gi wi, kaaz wi du we im se wi fi du an wi du di sitn dem we wi nuo mek im api.

1 Jan 5:20

Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.

3 Jan 1:6

Dem tel di choch ou yu lov dem. So mi a beg yu, sen dem pan dem wie jos laik ou yu nuo Gad wuda waahn yu fi du.