Jan 5:3 - Di Jamiekan Nyuu Testiment

³ Uol iip a sik piipl did a lai dong iina di waak wie dem — blain piipl, piipl we kudn waak an piipl we kudn muuv at aal.

Jan 5:3 Iomraidhean Croise

Matyu 15:30

Wan big big kroud a piipl kom tu im. Dem bring piipl we kyaahn waak, we blain, kripl, dom an we sik iina aal saat a ada wie. Dem put dem dong a Jiizas fut, an im mek di wol a dem get beta.

Matyu 4:24

So piipl staat ier bout im muo an muo aal roun Siriya, an dem kyari aal saat a piipl kom we sik iina dis ya wie ar dat de wie. Dem kyari piipl we pien op an a sofa fram aal saat a kraasiz, an aal uu did a sofa fram sitn we mek dem kech fits dem kyari dem kom tu. Dem kyari piipl we kyaahn waak, piipl we av diiman iina dem, an Jiizas get di uol a dem beta.

Luuk 7:22

Den Jiizas tel Jan falara dem se, “Go tel Jan wa unu si an ier. Blain piipl kyan si an kripl kyan waak. Piipl we av siknis we mek dem skin fasi-fasi get beta an def piipl a ier. Ded piipl kom bak alaiv an di gud nyuuz a priich tu puo piipl.

Jan 5:2

Nou, iina Jeruusilem, yu did av wan puul saida di giet we di shiip dem we go iina di siti waak chuu. Dem kaal di puul Betzata iina di Iibruu langwij, an it did av faiv kova uova waak wie bil neks tu it.

Ruoman 8:25

Bot ef wi no get aal we wi a luk fi get yet, wi wi sidong an wiet an no muuv til wi get it.

Jiemz 5:7

Mi breda an sista, no gi op, jos wiet til di Laad kom. Tingk bout ou wan faama afi wiet lang fi di soma an di spring rien fi mek im fiil gruo.