Jan 4:9 - Di Jamiekan Nyuu Testiment

⁹ So nou, di Samaritan uman se tu Jiizas se, “Yu a wan Juu an mi a wan Samaritan uman. Ou yu fi de aks mi fi gi yu waata fi jringk?” (Shi se so, kaa di Juu dem neehn miks an minggl wid Samaritan piipl.)

Jan 4:9 Iomraidhean Croise

Matyu 10:5

A dem twelv piipl ya Jiizas did sen out, an dis a wa im did tel dem fi du: “No go wich paat di piipl dem we a no Juu de, an no go iina di toun dem we di Samaritan piipl dem liv.

Luuk 10:33

Bot wan man we kom fram Samieriya did a chravl pan di siem ruod. Wen im riich wich paat di man de an si im, im fiil sari fi im.

Jan 4:27

Siem taim nou, Jiizas falara dem kom bak an dem shak fi fain im a taak tu wan uman. Bot nobadi neva se tu ar, “A wa yu waahn?” an non a dem neva aks im se, “A wa mek yu a taak tu ar?”

Jan 8:48

Di Juu piipl dem fram Jeruusilem ansa im se, “No chuut wi a taak wen wi se yu a wan Samaritan an yu av diiman iina yu?”

Aks 1:8

Bot di Uoli Spirit a-go kom pan unu an ful unu op wid powa an unu wi tel piipl iina Jeruusilem, Judiya, Samieriya an aal uova di worl bout mi.”

Aks 10:28

So Piita se tu dem, “Aal a unu nuo se azkaadn tu di Juu dem Laa, it no rait fi wan Juu av notn fi du wid piipl we a no Juu, ar fi go a dem yaad. Bot Gad shuo mi se mi no fi luk pan nobadi an tingk se dem no kliin ar se it rang fi mi kip kompni wid dem.

Aks 10:32

Nou sen som man go a Japa fi wan man niem Saiman, we dem kaal Piita. Im a stie a Saiman yaad, di wan we mek leda an we liv a di sii-said.’