Jan 4:6 - Di Jamiekan Nyuu Testiment

⁶ an Jiekob did dig wan wel de. Wen Jiizas riich di wel, im did so taiyad im sit dong saida it. Dat did bout migl die.

Jan 4:6 Iomraidhean Croise

Matyu 27:45

Nou fram migl die di uol plies get daak til chrii aklak.

Matyu 4:2

Afta Jiizas neehn nyam notn fi uol-a faati die an faati nait, im beli did a baal tu ou im onggri.

Matyu 8:24

Widoutn waanin wan wikid wikid staam kom dong pan di liek so di wiev dem staat flod di buot. Bot Jiizas did a sliip.

Luuk 2:7

an shi av ar fos pikni, wan bwai. Shi rap im op iina biebi blangkit an put im iina di baks we di animal dem nyam outa, kaaz no spies neva iina di ges ous fi dem.

Luuk 9:58

Jiizas se tu im se, “Faks av uol an di bod dem av nes, bot di Man we Gad Pik no av no we fi pudong im ed.”

Jan 11:9

Jiizas ansa dem se, “No twelv owa iina wan die? Sumadi we waak a die no faal dong, kaa im av di son fi mek im si.

Jan 4:12

Yu biga dan wi faada Jiekob we gi wi da wel ya, an we aal jringk waata fram outa it — im, im Bwai Pikni dem an im animal dem?”

Jan 4:5

Nou, wen im did a go chuu Samieriya, im en op iina wan toun we dem kaal Saikaar. Saikaar neehn faar fram di lan we Jiekob did gi im bwai, Juozif,

Jan 4:7

Nou, wan Samaritan uman kom fi jraa waata fram outa di wel. So Jiizas aks ar se, “Beg yu fi som waata fi jringk?”

2 Korintiyan 8:9

Kaaz unu nuo ou wi Laad Jiizas Krais shuo wi lov iivn duo wi no dizorv it. Im did rich bot im gi op evriting an mek imself puor so dat unu we puor kuda get rich.

Iibruu 2:17

So siek-a aal a dem sitn de nou, im did afi ton laik im breda an sista dem we de pan ort. Im did afi ton laik dem iina evri wie. Da wie de, az Gad elpa, im kuda ton wan liida fi di priis dem we Gad kyan chos, an im wi gud an kain tu piipl kaaz im andastan we dem a go chuu. An im kuda kom tek we di piipl dem sin tu.

Iibruu 4:15

Kaaz wi no av wan liida fi di priis dem we kyaahn andastan we wi a go chuu, an we no nuo se wi no so chrang wen wi fies notn we wi kaaz wi fi sin. Insted-a dat wi av wan we did get presha fi du aal kain-a rang sitn tu, siem laka wi — bot im neehn sin.