Jan 4:16 - Di Jamiekan Nyuu Testiment

¹⁶ So Jiizas tel ar se, “Gwaan go kaal yu ozban an kom bak.”

Jan 4:16 Iomraidhean Croise

Iibruu 4:13

No iivn wan sitn kyan aid fram Gad! Bot evriting uopm op an im kyan si di uol a dem, an a im wi afi go ansa tu bout evriting we wi du.

Revilieshan 2:23

Mi a-go kil aaf ar falara dem. Den aal a di choch dem wi fain out se a mi a di wan we sorch out evribadi main an aat. An fi aal we unu a du, mi a-go pie unu bak wa unu fi get.

Jan 21:17

Fi di tord taim Jiizas aks im se, “Saiman, Jan bwai pikni, yu lov mi?” Piita did fiil a wie, kaaz a chrii taim nou Jiizas aks se, “Yu lov mi?” So im se, “Laad, yu nuo evriting. Yu nuo se mi lov yu.” Den Jiizas se tu im se, “Fiid mi shiip dem.

Jan 4:18

Kaa a uol a faiv a dem yu av aredi, an di man yu de wid nou a no fi yu ozban. Wa yu se a chuu.”

Jan 1:42

An im kyari Saiman go wich paat Jiizas did de. Wen Jiizas si Saiman, im luk pan im an se, “Yu a Saiman, Jan bwai pikni. Fram nou aan, yu niem Siifas” (iina fi dem langwij, dat de a di niem fi Piita).

Jan 4:15

“Sar,” di uman se agen, “beg yu gi mi som a da waata de, so dat mi kyaahn get torsti agen, an so dat mi no afi kom baka da wel ya fi jraa no muo waata!”

Jan 4:17

“Mi no av no ozban,” shi se tu im. So Jiizas se tu ar, “A chuu yu de taak wen yu se yu na'av no ozban.