Jan 3:8 - Di Jamiekan Nyuu Testiment

⁸ Briiz bluo go wich paat it waahn fi go. Yu onggl ier di soun we it mek, bot yu kyaahn si a we it de kom fram an yu kyaahn si wich paat it de go. Nou, a siem so it go wid evribadi we di Spirit mek baan.”

Jan 3:8 Iomraidhean Croise

Jan 1:13

Bot dem no baan iina Gad fambili laka ou naamal pikni baan wid mada an faada, ar kaaz sumadi did fiil fi av seks, ar kaaz wan ozban mek op im main se im waahn pikni. Nuo! A Gad imself mek dem baan.

Jan 3:7

So no fraitn wen yu ier mi tel yu se, ‘Yu afi baan wan neks taim.’

Jan 3:9

“Ou dat?”, Nikodiimos aks.

Aks 2:2

Aal av a sodn dem ier wan naiz a kom fram di skai. Di naiz soun laik wen wan chrang chrang briiz a bluo, an it ful op di uol ous we dem did sidong.

Aks 4:31

Afta dem don prie, di ous we dem did a miit get shiek op. Di Uoli Spirit tek kanchuol a dem an mek dem priich Gad wod an no fried a notn.

1 Korintiyan 12:11

Di powa fi du aal a dem sitn de kom fram di siem Spirit an im gi da powa de tu enibadi im waahn gi it tu.

1 Korintiyan 2:11

Wich wan a unu kyan tel we sumadi els a tingk? Jos laik ou a onggl fi wi spirit nuo we wi a tingk bout, a siem so a onggl Gad Spirit nuo we im a tingk bout.

1 Jan 2:29

Unu nuo se Krais Jiizas du we rait aal di taim, an dat evribadi we du rait a Gad pikni.