Jan 21:2 - Di Jamiekan Nyuu Testiment

² Saiman Piita, Tamas (we dem kaal Didimos), Nataniyel (we kom fram Kiena iina Gyalalii), Zebidii bwai pikni dem, an tuu a Jiizas ada falara dem did de tugeda.

Jan 21:2 Iomraidhean Croise

Matyu 10:3

Den yu did av Filip, Bartalimyuu, Tamas, Matyu — di taks kalekta, Jiemz — Alfiyos pikni, an Tadiyos.

Maak 1:19

Likl dong fram de-so, im si Jiemz an Jan, Zebidii tuu bwai pikni dem iina wan buot a fiks dem net.

Luuk 5:10

Tuu a Saiman brejrin dem we did fraitn tu, a Jiemz an Jan, Zebidii bwai dem. Den Jiizas se tu Saiman, “No fried, fram nou aan, yu naa go kech fish, yu a-go kech piipl.”

Jan 1:45

Afta Jiizas fain im, Filip fain Nataniyel an tel im se, “Wi fain di sumadi we Muoziz rait bout iina di Laa, di sed wan di prafit dem rait bout tu. Im niem Jiizas an im kom fram Nazaret. Im a Juozif bwai pikni.”

Jan 11:16

Den Tamas — uufa pet niem a did “Twin” — se tu di res a Jiizas falara dem se, “Kom mek di uol a wi go wid im, so wi kyan ded wid im tu.”

Jan 2:1

Tuu die afta dat apm, yu did av wan wedn a wan toun niem Kiena. Kiena did de iina Gyalalii. Jiizas mada did de a di wedn,

Jan 2:11

Nou, Jiizas wok uol iip a mirikl an da wan ya a did di fos wan outa aal a dem. Im did du it iina Kiena we de a Gyalalii. Da wie de, im shuo ou im big an powaful. An im falara dem biliiv iina im.

Jan 20:28

Den Tamas se tu im se, “Yu a mi Laad an mi Gad!”

Jan 4:46

Iina Gyalalii, im go a di plies we dem kaal Kiena — di sed plies wich paat im did tek waata an ton it iina wain. Nou, yu did av wan man fram Kyaporniyom we du big wok fi di king, we did av wan bwai pikni we did sik bad.