Jan 2:6 - Di Jamiekan Nyuu Testiment

⁶ Nou siks waata jaar we mek outa stuon did de de. Di Juu piipl dem kip waata iina dem fi wash an mek demself kliin, kaaz a dat fi dem Laa did se dem fi du. Wan a di jaar dem kuda uol bout twenti tu toti gyalan a waata.

Jan 2:6 Iomraidhean Croise

Luuk 16:6

“Im se, ‘Wan onjrid baril a aliv ail.’ “Di manija tel im se, ‘Tek yu bil, sidong kwik, an rait op fifti.’

Jan 2:7

Jiizas se tu di sorvant dem se, “Ful op di jaar dem wid waata.” So dem ful dem op tu di brim.

Jan 3:25

Nou, Jan falara dem an wan neda Juu get iina wan piis a aagiment bout wa dem rilijan se bout ou piipl fi wash an mek demself kliin.

Ifiijan 5:26

Jiizas gi op im laif pan di kraas, so dat im kuda mek di choch kliin an set ar wan said fi Gad. A di Gud Nyuuz we powaful dat im tek wash ar an mek ar kliin.

Iibruu 10:22

So siek-a aal a dem sitn de, kom mek wi jraa kluos tu Gad an no fried. Bot mek wi go tu im an riili chos im wid aal a wi aat. Kaaz Jiizas blod don kliin wi aat so wi kanchens frii, an wi badi don wash iina kliin waata tu.

Iibruu 6:2

Wi shudn afi a tiich nou bout ou wi fi baptaiz, ar ou fi put an pan piipl wen dem a baptaiz an prie fi Gad bles dem, ar se ded piipl a-go kom bak alaiv an dat Gad a-go joj piipl — an a wa im mek op im main pan a-go laas fi eva. Nuo sa! wi shudn afi a tiich dem sitn de agen.

Iibruu 9:10

Dem sitn de did onggl a diil wid wa piipl fi nyam an jringk an di difrant difrant wie dem kyan kliin op demself. Aal a dem ruul de, we onggl a tel wi bout ou piipl fi du tingz, an we naa tel wi notn bout piipl aat, dem onggl a-go laas til di taim kom fi set tingz rait. Dat a wen di nyuu plan kom iin an chienj tingz roun.

Iibruu 9:19

Kaaz wen Muoziz did tel aal di piipl dem evri wan a Gad ruul we did rait dong iina di Laa Buk, im tek wan kou kyaaf blod an guot blod, wid waata an wan likl piis a wan plaant niem isop, we im tai wid som daak-red shiip skin, an springkl di blod an waata pan di Laa Buk an pan aal a di piipl dem.