Jan 2:4 - Di Jamiekan Nyuu Testiment

⁴ Jiizas se tu ar se, “Mama, wa mek yu de tel mi dat? Fi mi taim no kom yet.”

Jan 2:4 Iomraidhean Croise

Matyu 15:28

Wen Jiizas ier dat, im se, “Bwai uman, yu riili riili chos iina mi. Wat-eva yu waahn fi apm, Gad a-go mek it apm.” Siem taim ar daata get beta.

Matyu 8:29

Di man dem baal out, “Gad Bwai Pikni, lef wi no! A kom yu kom ya fi mek wi sofa bifuo taim, ehn?”

Luuk 2:49

Jiizas se, “Wa mek unu a luk fi mi? Unu neva nuo se mi wuda iina mi faada ous?”

Jan 12:23

Jiizas se tu dem se, “Di taim kom fi Gad shuo ou di Man we Gad pik big an powaful.

Jan 13:1

Nou a did jos bifuo di Paasuova Alidie, an Jiizas did nuo se di taim wen im wuda lef di worl an go we tu im Faada did kom. Im did lov dem we did a fi im iina di worl, an da taim ya im shuo dem ou im did riili riili lov dem.

Jan 2:3

Di piipl dem a di wedn jringk aaf di wain, an wen it don, Jiizas mada se tu im se, “Dem na'av no muor wain lef.”

Jan 20:13

Dem aks ar se, “Uman, wa mek yu a baal?” “Dem tek we mi Laad,” shi se tu dem, “an mi no nuo we paat dem put im.”

Jan 20:15

“Uman,” im se tu ar, “wa mek yu a baal? A uu yu a luk fa?” Chuu Mieri did tingk se a wan gyaadna a taak tu ar, shi se tu im se, “Sar, ef a yu tek im we, tel mi wich paat im de, so mi kyan go fi'im.”

Jan 7:30

Wen dem ier dis ya dem chrai fi grab im, bot nobadi no toch im, kaaz a neehn fi im taim fi dem kil im yet.

Jan 7:6

Bot Jiizas se tu dem se, “Fi unu, enitaim a di rait taim, bot fi mi taim no kom yet.

Jan 7:8

Unu gwaan op de go tek paat iina di Ot Alidie. Mi naa go, kaa di rait taim fi mi go no kom yet.”

Jan 8:20

(Jiizas se dem sitn ya wen im did a tiich iina di yaad we Gad ous de, nier wich paat piipl jrap dem aafrin. An nobadi neehn uol im fi lak im op, kaa im taim neehn kom yet.)

2 Korintiyan 5:16

So den, wi no luk pan piipl an joj dem bies pan ou big ar sumaal dem bi, wi no joj dem laik ou di piipl we no biliiv joj dem. Bifuo wi did biliiv, a siem so wi did luk pan Jiizas Krais an joj im, bot nou wi no du dat no muor.