Jan 2:16 - Di Jamiekan Nyuu Testiment

¹⁶ Im se tu dem we did a sel di dov dem se, “Tek we dem sitn ya outa ya! No tek mi Faada ous ton maakit!”

Jan 2:16 Iomraidhean Croise

Matyu 21:12

Den Jiizas go iina Gad ous an staat fling out aal a di piipl dem we did iin de a sel an a bai. Di piipl dem we did a chienj out moni, Jiizas pich uova fi dem tiebl, an ton uova di chier fi aal uu did de de a sel dov.

Matyu 21:13

Im se tu dem se, “It rait dong iina Gad wod se, ‘Fi mi ous a-go bi wan ous we piipl kom fi prie,’ bot unu ton it iina wan aid out fi tiif’!”

Matyu 22:5

“Bot dem neva weehn a tek im aan at aal, an dem lef go we sed wie. Som go a dem faam, som did av bizniz fi tek kier a.

Maak 11:17

Afta dis im staat tiich di piipl dem. Im se, “It no rait dong iina Gad wod se: “ ‘Fi mi ous a-go bi wan ous we piipl fram aal uova di worl kom fi prie’? Bot unu tek it ton ‘wan aid out fi tiif!’ ”

Luuk 2:49

Jiizas se, “Wa mek unu a luk fi mi? Unu neva nuo se mi wuda iina mi faada ous?”

Jan 10:29

Mi Faada we gi mi aal a dem, im biga dan evribadi. Nobadi kyaahn grab an tek dem outa mi Faada an.

Jan 2:15

So im get som ruop an tek dem mek wan wip. Den im yuuz di wip an ron out di uol a di sela dem outa di yaad: dem an dem kou an dem shiip an dem dov. Im lik uova di piipl dem we a chienj out moni kain dem, an im ton uova aal a dem tiebl dem.

Jan 20:17

Jiizas se, “No uol aan pan mi, kaa mi no gaan baka mi Faada yet. Go tel yu breda dem se mi se, ‘Mi a go baka mi Faada an fi unu Faada, mi a go baka mi Gad an fi unu Gad.’”

Jan 5:17

Bot Jiizas se tu dem se, “Fi mi Faada eva a wok, an mi a wok tu.”

Jan 8:49

“Mi no av no diiman iina mi,” Jiizas se. “Mi rispek mi Faada, bot unu no shuo mi no rispek.

1 Timoti 6:5

Dem sitn ya onggl kaaz bier aagiment mongks piipl we main wikid an no nuo di chuut. Dem piipl de tingk se fi fala Gad, a wan wie fi mek moni.

2 Piita 2:3

Siek-a ou dem faalz tiicha ya griidi, dem a-go mek op tuori fi chrai mek moni aafa unu. Bot a lang taim nou dem jojment redi. An Gad naa sliip, im a-go mash dem dong!