Jan 18:3 - Di Jamiekan Nyuu Testiment

³ So Juudas kom a di plies wid wan gruup a suoja. Di ed priis dem an di Farisii dem sen som a di man dem we gyaad Gad ous de tu. Di uol a dem go iina di gyaadn wid lamp, taach an aal saat a sitn fi fait wid.

Jan 18:3 Iomraidhean Croise

Matyu 25:1

“Da taim de, Gad kindom a-go komiin laik ten yong gyal we tek dem lamp go miit di man we a get marid.

Jan 13:2

Sopa did a sorv, an di devl did don put it iina Juudas, Saiman bwai pikni, aat fi sel out Jiizas.

Jan 18:12

Afta dat de apm, di suoja dem an dem liida plos di gyaad dem uol aan tu Jiizas an tai op im an dem.

Jan 18:18

(Nou it did wel kuol, an so di sorvant dem an di ed priis gyaad dem did a tan op roun wan faiya we dem did mek fi kip dem waam. Piita did tan op de wid dem tu, a waam op imself.)

Jan 18:22

Wen Jiizas se dis ya, wan a di gyaad dem shat im a baks iina im fies. “A so yu taak tu di liida fi di priis dem?” im aks Jiizas.

Jan 19:6

Wen di ed priis dem an dem we gyaad Gad ous si im dem shout out, “Niel im op pan di kraas mek im ded! Niel im op!” So Pailat se tu dem se, “Unu tek im niel im op unuself! Mi no si im du notn rang.”

Jan 7:32

Di Farisii dem ier di kroud a piipl a wispa dem sitn ya bout Jiizas. So di ed priis dem an di Farisii dem sen dem we gyaad Gad ous fi lak im op.

Aks 1:16

an se tu dem se, “Breda an sista, wa rait dong iina Gad wod did afi apm. Lang bifuo it apm, di Uoli Spirit did mek Dievid taak bout Juudas, di wan we sel out Jiizas an mek di piipl dem ares im.

Aks 10:1

Nou yu did av wan man dong a Sesuriiya niem Kaaniiliyos. Im a did paat a wan big gruup a suoja we kom fram Itali, an im a did ed fi onjrid a dem.