Jan 17:3 - Di Jamiekan Nyuu Testiment

³ Fi liv fi eva miin se dem nuo yu, di onggl wan we a riili Gad, an dat dem nuo Jiizas Krais, di wan yu sen kom.

Jan 17:3 Iomraidhean Croise

Maak 9:37

“Enibadi we tek iin wan a dem likl pikni ya kaaz im biliiv iina mi tek mi iin tu an enibadi we tek mi iin, a no jos mi dem a tek iin, dem a tek iin di wan we sen mi tu.”

Luuk 9:48

Jiizas se tu dem se, “Enibadi we welkom da likl pikni ya, kaa im chos iina mi, welkom mi tu. An enibadi we tek mi iin, tek iin di wan we sen mi tu. Di wan mongks unu we de a di batam, a im av di tap a tap pozishan.”

Jan 10:36

wa mek unu se, ‘Yu a disrispek Gad’ tu di wan we Gad pik an sen iina di worl? Wa mek unu a se mi disrispek Gad kaa mi se, ‘Mi a Gad Bwai Pikni’?

Jan 11:42

Mi nuo se yu eva lisn tu mi, bot mi a se dem sitn ya fi di siek-a di kroud a piipl we de ya-so, so dat dem kyan biliiv se a yu sen mi kom.”

Jan 14:26

Bot di elpa, di Uoli Spirit, we di Faada gweehn sen kaa unu a mi falara, im a-go tiich unu evriting an im a-go memba unu bout evriting mi tel unu.

Jan 17:18

Siem laka ou yu sen mi kom iina di worl, a siem wie so mi sen dem iina di worl.

Jan 17:21

Faada, mi prie se aal a dem kom tugeda iina wan, siem laka ou yu liv iina mi an mi liv iina yu. An mi prie tu se dem wi liv iina mi an yu, so dat di worliyan dem kyan biliiv se a yu sen mi kom.

Jan 17:23

mi iina dem an yu iina mi — so dem kyan komiin laka wan, an so di piipl dem iina di worl mait-a nuo se a yu sen mi kom, an dat yu lov mi falara dem siem laka ou yu lov mi.

Jan 17:25

“Faada, we eva du rait, iivn duo di piipl dem iina di worl no nuo yu, mi nuo yu, an dem piipl ya nuo se a yu sen mi kom ya.

Jan 17:8

kaa mi tel dem bak evriting we yu tel mi an dem biliiv it. Dem nuo fi shuor se a yu mi kom fram an dem biliiv se a yu sen mi kom.

Jan 3:17

Kaa yu si, Gad neehn sen im Bwai Pikni iina di worl fi rait aaf di piipl iina di worl. Nuo! Gad sen im fi siev dem.

Jan 3:34

Kaa, di wan we Gad sen kom se aal a wa Gad tel im fi se, kaa yu si, Gad gi'im evri singgl bit a im Spirit.

Jan 5:44

Ou unu fi biliiv iina mi, wen unu lov fi get big op fram unu wan aneda? Ou unu fi biliiv iina mi, wen unu naa chrai fi mek di wan an onggl Gad big unu op?

Jan 6:57

Jos laik ou di Faada we gi laif sen mi an mek mi liv, a siem so mi a-go mek di sumadi we nyam mi liv.

Jan 7:29

bot mi nuo im, kaa mi kom fram im an a im sen mi kom ya.”

Jan 8:19

“So den, we paat yu Faada de?” di Farisii dem aks im. “Unu no nuo mi ar mi Faada,” Jiizas se tu dem. “Ef unu did nuo mi, unu wuda nuo mi Faada tu.”

1 Korintiyan 15:34

Unu fi wiek op, tek kanchuol a unuself an tap sin. Unu shuda shiem, kaaz som a unu no nuo Gad at aal.

1 Korintiyan 8:4

So den dis ting bout weda wi shuda iit ar no iit di fuud we piipl sakrifais gi faalz gad: di uol a wi nuo se dem faalz gad de no riili alaiv. An wi nuo se a onggl wan riil Gad de bout.

2 Korintiyan 4:6

Di Gad we se, “Mek di lait shain iina di daak,” a im siem wan mek im lait shain iina wi aat so dat wi kyan andastan umoch im lov wi an ou powaful im bi. An wi onggl get fi andastan dem sitn de wen wi biliiv iina Krais Jiizas.

Filipiyan 3:10

Aal mi kier bout a fi nuo Krais Jiizas, an dat di powa we mek im kom bak alaiv wi wok iina mi. Mi waahn fi kyan go chuu eniting we mi afi sofa fi du we Gad waahn mi fi du, siem laik ou Krais Jiizas go chuu we im did sofa fi du we Gad did waahn im fi du. An siem laik ou im ded fi di rait riizn, mi mek op mi main fi ded fi im tu,

Filipiyan 3:8

Bot a no onggl dat, mi si se aal a dem sitn de no wot notn. Dem kyaahn kom kluos tu di powa we kom wen yu nuo mi Laad Jiizas Krais. Wen yu nuo Jiizas Krais, notn at aal kyaahn kom kluos tu dat. Evriting els komiin laik gyaabij tu mi nou. Mi gi op evriting fi get fi nuo Krais Jiizas an dat a di onggl ting we mata tu mi nou.

1 Tesaluoniyan 1:9

kaaz dem siem wan taak bout ou unu chriit wi gud wen wi did kom wich paat unu de. Dem taak bout ou unu ton we fram unu faalz gad dem, fi kom sorv Gad — di riil Gad we no ded an we gi laif.

2 Tesaluoniyan 1:8

wid wan faiya we a bliez. Im a-go bring dong jojment pan aal a uu no nuo Gad an dem de we no fala di Gud Nyuuz bout wi Laad Jiizas.

Iibruu 3:1

So mi breda an sista we bilang tu Gad, an we im kaal jos laik ou im kaal mi, unu fi kip unu main pan Jiizas. Im a di mesinja we Gad sen wi, an di liida fi di priis dem we go tu Gad fi wi, siek-a wa wi se wi biliiv iina.

2 Piita 1:2

Mi prie se Gad wi aalwiez shuo unu im lov an mek unu api aal di taim wen unu a lorn muo an muo bout im an bout wi Laad Jiizas.

2 Piita 1:3

Im tek fi im uona powa an gi wi evriting we wi niid fi liv di kain-a laif we im waahn wi fi liv. An dis apm onggl kaaz wi lorn muo an muo bout im. Im a di wan we kaal wi fi shier iina uu im bi — wid aal a im powa an di priez an ana we piipl gi im.

2 Piita 1:8

Ef unu av dem kain-a wiez ya, an unu riili nuo di Laad Jiizas Krais, dem sitn ya wi gruo muo an muo iina unu aat. An gud sitn wi apm iina unu laif.

1 Jan 1:2

A da siem laif de shuo itself tu wi. Wi si it, an wi a tel unu wa wi si. Wi a tel unu bout di siem laif we did de iina evn wid di Faada an we kom shuo itself tu wi.

1 Jan 1:3

Wa wi did si an ier a dat wi a tel unu tu. Wi a tel unu so dat unu kyan muuv kluos wid wi, an wi a muuv kluos wid di Faada an wid im Bwai Pikni Jiizas Krais.

1 Jan 2:23

Ef piipl ton dem bak pan di Bwai Pikni, dem no kluos tu di Faada. Bot ef piipl rispek an fala di Bwai Pikni, dem kluos wid di Faada tu.

1 Jan 4:6

Wi a Gad pikni. Enibadi we nuo Gad lisn tu wi, bot aal uu no nuo Gad no waahn ier wa wi av fi se. Dis a ou wi nuo di chuu Spirit fram di laiyad spirit.

1 Jan 5:20

Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.