Jan 17:2 - Di Jamiekan Nyuu Testiment

² Kaa yu gi yu Bwai Pikni powa uova evribadi, so dat im kyan mek di piipl dem we yu gi tu im liv fi eva.

Jan 17:2 Iomraidhean Croise

Matyu 11:27

“Mi Faada gi mi evriting. A onggl di Faada wan riili nuo di Bwai Pikni. An nobadi no riili nuo di Faada, onggl di Bwai Pikni wan an enibadi els we di pikni waahn fi mek nuo di Faada.

Matyu 25:46

“An dem piipl ya, dem a-go go wich paat dem get ponish fi eva, bot di wan dem we du we rait iina Gad yai, Gad a-go mek dem liv fi eva.”

Matyu 28:18

Den Jiizas kom kom se tu dem se, “Gad gi mi powa uova evriting we a liv iina evn an pan ort.

Jan 17:24

“Faada, mi waahn di piipl dem we yu gi mi fi de eniwe mi de, so dat dem kyan si di uol iip a rispek we yu gi mi, kaa yu lov mi fram bifuo di worl did mek.

Jan 17:6

“Di piipl dem fram outa di worl we yu gi mi, mi shuo dem a uu yu bi. Dem did a fi yu bot yu gi mi dem, an dem fala we yu tel dem fi du.

Jan 17:9

“Mi a prie fi dem. Mi naa prie fi di worliyan dem. Mi a prie fi dem we yu gi mi, kaa dem a fi yu.

Jan 3:35

Di Faada lov im Bwai Pikni, an im gi im powa uova evriting.

Jan 4:14

bot enibadi we jringk di waata we mi gi'im naa go torsti agen. Yu si, di kain-a waata we mi a-go gi'im gweehn ton wan spring iina im, wan we no tap ron, an we kaaz im fi liv fi eva.”

Jan 6:27

No wok fi fuud we kyan pwail an we naa go laas no taim. Wok fi di kain-a fuud we a-go mek unu liv fi eva, a dat de fuud di Man we Gad Pik gweehn gi unu. Faada Gad put im speshal maak pan im fi shuo se im av di rait fi du we im du.”

Jan 6:37

Evribadi we di Faada gi mi a-go kom tu mi, an mi naa go ron dem.

Jan 6:39

An a dis di wan we sen mi waahn: im waahn mi fi no mek non a di piipl dem we im gi mi laas; im waahn mi fi mek dem kom bak alaiv pan di laas die.

Ruoman 6:23

So aal sin du a kaaz piipl fi ded. So ef sin a yu maasta dat a aal yu a-go get. Bot wa Gad gi wi, im gi wi fi frii — a wan gif. Wen wi biliiv iina wi Laad Jiizas Krais, wen wi an im ton wan, Gad mek wi liv fi eva an eva.

1 Korintiyan 15:25

Kaaz Jiizas afi ruul uova di kindom, til im put di uol a im enimi dem anda im fut.

Ifiijan 1:20

we im yuuz mek Jiizas kom bak alaiv an gi im di tap-a-tap pozishan saida im iina evn.

Filipiyan 2:10

Faada Gad du dat so evribadi iina evn, an pan ort an anda di ort wi afi go dong pan dem nii siek-a di niem Jiizas,

1 Timoti 1:16

Gad did gud tu mi so Jiizas Krais kuda shuo ou im tek taim wid piipl. Jiizas put op wid sumadi laka mi, so ada piipl we a-go biliiv iina im an get fi liv fi eva an eva, wi si se im riili riili tek taim wid piipl.

Iibruu 1:2

Bot iina dem laas die ya, im yuuz im Bwai Pikni fi taak tu wi. Im pik im, an kom gi im evriting. Gad pik im tu, so Gad kuda mek di worl.

1 Piita 3:22

Jiizas Krais de iina evn nou an im de saida Gad rait an. Im av kanchuol uova aal a di ienjel dem, an di spirit dem we ruul an av powa.

1 Jan 1:2

A da siem laif de shuo itself tu wi. Wi si it, an wi a tel unu wa wi si. Wi a tel unu bout di siem laif we did de iina evn wid di Faada an we kom shuo itself tu wi.

1 Jan 2:25

An wa di Bwai Pikni did pramis a dis: im se wi a-go liv fi eva.

1 Jan 5:20

Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.

Juud 1:21

Tan iina Gad lov an gwaan wiet fi Jiizas kom an mek wi liv fi eva, kaaz a dat im a-go du, kaaz im so gud an kain tu wi.