Jan 12:2 - Di Jamiekan Nyuu Testiment

² So dem chuo big nyaminz fi im de. Maata did a sorv, an Lazaros did de de wid di wan dem we did a sidong wid Jiizas roun di tiebl.

Jan 12:2 Iomraidhean Croise

Matyu 26:6

Jiizas did de a Betani, a Saiman yaad. Saiman a wan a dem we did av di siknis we mek yu skin fasi-fasi.

Maak 14:3

Jiizas did de a Saiman yaad a Betani. Saiman did av wan siknis we mek im skin fasi-fasi. Jiizas did sidong a di tiebl wen wan uman kom de. Shi did av wan likl stuon jaar ful-a wan dier dier porfyuum wa mek outa wan spais niem naad. Shi brok di jaar an chuo out di porfyuum pan Jiizas ed.

Luuk 12:37

It a-go gud fi di sorvant dem uufa maasta fain dem bizi a wiet fi'im kom bak. Mi a tel unu dis, di maasta imself a-go put aan im wok kluoz, mek dem sidong a di tiebl, an im wi sorv dem.

Luuk 14:12

Den Jiizas se tu di sumadi we invait im se, “Wen yu gi wan lonch ar wan dina, no invait yu fren, breda, yu fambili, ar yu rich nieba dem niida kaaz dem mait-a invait yu an pie yu bak.

Luuk 22:27

Tel mi sopm, uu aiya dan uu? Di wan we sidong a di tiebl ar di wan we a sorv? No di wan a di tiebl? Bot mi de ya mongks unu a sorv.

Luuk 5:29

Den Liivai chuo wan big dina fi Jiizas iina im ous, an wan big kroud a taks kalekta an ada piipl did a nyam wid dem roun di tiebl.

Revilieshan 3:20

Lisn mi! Mi tan op rait a di duor an a nak. Ef enibadi ier mi a kaal an uopm di duor, mi wi kom iina im ous an mi an im wi nyam an jringk tugeda.