Jan 10:4 - Di Jamiekan Nyuu Testiment

⁴ Wen im tek out aal a fi'im shiip, im go infronta dem, an di shiip dem fala im kaa dem pik op im vais.

Jan 10:4 Iomraidhean Croise

Matyu 16:24

Den Jiizas se tu aal a im falara dem se, “Ef sumadi waahn fi ton wan a mi falara dem, dem afi figet bout wa dem waahn, tek op dem kraas an fala mi.

Jan 10:16

Mi av ada shiip we no iina da shiip pen ya. Mi afi kyari dem iina di pen tu. Dem a-go lisn tu mi vais tu, so den, yu a-go av onggl wan gruup a shiip an onggl wan shepad.

Jan 10:27

Fi mi shiip dem lisn tu we mi se. Mi nuo dem, an dem fala baka mi.

Jan 10:3

Di wan we wach uova di shiip giet uopm di giet fi di shepad, an di shiip dem ier di shepad vais. Di shepad kaal fi'im uona shiip dem bai dem niem an im liid dem out.

Jan 10:5

Dem naa go fala baka chrienja. Dem ron we fram im kaa dem no pik op chrienja vais.”

Jan 10:8

Enibadi els we kom bifuo mi a tiif an raba, bot di shiip dem neva lisn tu dem.

Jan 12:26

Enibadi we waahn sorv mi afi fala mi. Eniwe mi de, dem a-go de de tu, an mi Faada a-go big dem op.

Jan 13:15

Mi a set egzampl fi unu fala. Wa mi du fu'unu, unu fi du fu'unu wan aneda.

Jan 18:37

“So yu a king, den?!”, Pailat aks im. Jiizas ansa im an se, “ ‘King,’ a di wod yu yuuz. A dis mi did baan fa; a dis ya mek mi kom iina di worl: fi taak tu piipl bout di sitn dem we riili chuu. Evribadi we lov di chuut lisn we mi se.”

Jan 3:29

Yu si, di braid a fi di braidgruum. Di braidgruum brejrin we saat out di sitn dem fi'im wedn an we tan op an lisn out fi'im, im glad-bag bos wen taim im ier di braidgruum vais. Rait ya nou, a siem wie so mi fiil wel wel api bout wa a gwaan.

1 Korintiyan 11:1

Unu mos fala mi, an du wa mi du. Jos laik ou mi fala Krais Jiizas, an du we im du.

Ifiijan 5:1

So den, sins unu a Gad pikni an im lov unu, unu fi chrai fi tan jos laik im.

Iibruu 12:2

Wi fi kip wi yai lak pan Jiizas. A im fos shuo wi wa it miin fi chos iina Gad, an mek wi kyan chos im iina evri wie. Im nuo se im did a-go en op wel api, so im go chuu di sofarieshan an go ded pan di kraas, an im neehn bizniz se im did a du sitn we evribadi els wuda shiem fi du. Afta dat im galang go sidong a Gad rait an.

Iibruu 6:20

A de-so Jiizas go tu. Im go de bifuo wi, so im kyan elp wi. An im ton wan liida fi di priis dem fi eva, jos laka Melkezidek.

1 Piita 2:21

A dis Gad kaal unu fi du yu no. Krais Jiizas imself sofa fi unu, an shuo unu ou fi bier di sofarieshan. Unu fi du laik im; fala iina im fut step dem.

1 Piita 4:1

Sins Krais Jiizas sofa wen im did a waak pan da ort ya, a siem wie unu fi get unu main redi fi sofa tu. Kaaz enibadi we staat sofa so, a ton dem ton dem bak pan sin.

1 Piita 5:3

No aada-aada roun di piipl dem we Gad gi unu fi tek kier a. Bot unu fi biyiev gud so dem wi waahn fala unu.