Jan 10:1 - Di Jamiekan Nyuu Testiment

¹ Jiizas se, “Mi a tel unu fi chuu chuu se di sumadi we no kom iina di shiip pen chuu di giet, bot we klaim go iin de wan neks wie, da sumadi de a tiif an raba.

Jan 10:1 Iomraidhean Croise

Matyu 7:15

“Wach out fi faalz prafit tu. Dem kom tu unu a gwaan laik dem a shiip, bot iina dem aat dem a laik wikid wail wulf.

Jan 10:7

So im se tu dem agen se, “Mi a tel unu fi chuu chuu se dat mi a di giet we di shiip dem go chuu.

Jan 3:3

So, Jiizas se tu im se, “Fi chuu chuu, mi a tel yu se nobadi kyaahn tek paat iina Gad kindom ef dem no baan agen.”

Ruoman 10:15

An ef nobadi no sen dem, ou dem fi go priich tu nobadi? Jos laik it se iina Gad wod, “A wan gud gud sopm wen Gad mesinja dem kom priich di Gud Nyuuz.”

Ruoman 16:18

Kaaz dem piipl de, dem naa sorv wi Laad Jiizas Krais, dem onggl a sorv demself. Dem a swiit-mout, dem yuuz aal kain-a fansi wod fi chrik an miks op di piipl dem we no nuo beta.

Taitos 1:11

Yu mos shot dem op; tap dem fram taak fuulinish. Kaaz dem a kaaz aal wan uol-a fambili fi ton we fram di chuut siek-a di sitn dem we dem a tiich. Dem a tiich tingz we dem no fi tiich an dem a du it so dem kyan mek moni.

Iibruu 5:4

Fi ton di liida fi di priis dem a wan big ting dat, an nobadi kyaahn jos kom kom se dem waahn ton wan, an go ton wan. A no so it go. Gad afi kaal im fi ton di liida fi di priis dem, jos laik ou im did kaal Ieran.

1 Piita 1:10

Di prafit dem did sorch out aad aad fi chrai an andastan di wie ou Gad siev di piipl dem we chos iina im. An a di sorch we dem did sorch mek dem kuda taak bout ou Gad a-go siev unu.

2 Piita 2:1

Yu did av faalz prafit we yuus tu kom tu di piipl dem iina di paas, a siem so nou faalz tiicha wi kom tu unu. Widout unu iivn si wa a gwaan, dem wi siniik iin di faalz sitn we dem tiich fi mek unu chrie. An dem aal a se Jiizas Krais, di Laad an Maasta, a no fi dem Laad, wen a im siem wan did pie fi mek dem go frii, so dat sin no av no powa uova dem. Bot bifuo dem kyan iivn bat dem yai, a el an powda ous dem a bring dong pan demself.

2 Piita 2:3

Siek-a ou dem faalz tiicha ya griidi, dem a-go mek op tuori fi chrai mek moni aafa unu. Bot a lang taim nou dem jojment redi. An Gad naa sliip, im a-go mash dem dong!

1 Jan 4:1

Mi fren, no biliiv iina evri spirit we se dem kom fram Gad. Wa yu fi du a tes di spirit dem fi si ef dem kom fram Gad fi chuu, kaaz a nof nof faalz prafit gaan out aal uova di worl.