Jan 1:10 - Di Jamiekan Nyuu Testiment

¹⁰ A im mek di worl an im kom liv iina it, bot di piipl dem iina di worl neehn nuo a uu im.

Jan 1:10 Iomraidhean Croise

Matyu 11:27

“Mi Faada gi mi evriting. A onggl di Faada wan riili nuo di Bwai Pikni. An nobadi no riili nuo di Faada, onggl di Bwai Pikni wan an enibadi els we di pikni waahn fi mek nuo di Faada.

Jan 1:11

Im kom tu im uona konchri an im uona piipl dem ton dem bak pan im.

Jan 1:18

Nobadi neva eva si Gad yet. Di onggl sumadi we eva si im a di wan dege-dege Bwai Pikni, we a Gad imself. Im wel kluos tu di Faada, an a im mek wi nuo wa di Faada komiin laik.

Jan 1:3

Gad kaaz di wan we a di Wod fi mek evriting. Notn no de we im neehn mek.

Jan 1:5

Im shain an lait op di daak an di daak kudn tap di lait fram shain!

Jan 17:25

“Faada, we eva du rait, iivn duo di piipl dem iina di worl no nuo yu, mi nuo yu, an dem piipl ya nuo se a yu sen mi kom ya.

Jan 5:17

Bot Jiizas se tu dem se, “Fi mi Faada eva a wok, an mi a wok tu.”

Aks 14:17

Bot Gad aalwiez mek piipl nuo ou im gud tu dem. Im du dis wen im mek im rien faal fram evn an mek dem fiil bier a ier taim, so unu av nof fuud fi iit an im mek unu aat api.”

1 Korintiyan 1:21

Kaaz piipl tingk se dem waiz, lef tu demself, dem wudn nuo Gad. Bot sins Gad riili waiz, im mek it so dat piipl kuda get siev ef dem biliiv di siem mesij we dem se a fuulinish.

1 Korintiyan 2:8

Non a di piipl dem we a ruul iina dem taim ya did andastan da plan de. Kaaz ef dem did andastan it dem wuda neva tek wi big an powaful Laad, an niel im op pan wan kraas kil im.

1 Korintiyan 8:6

Bot wi nuo se a onggl wan Gad de bout. Im a di Faada we mek evriting an im a uu wi a liv fa. An wi nuo se a onggl wan Laad de bout an dat a Jiizas Krais, a im mek evriting an a im mek wi kyan liv.

Koloshan 1:16

Kaaz Gad yuuz Jiizas fi mek evriting we de a evn an we de pan di ort: evriting — aal we piipl kyan si an we dem kyaahn si. Evriting — a im mek di powaful spirit dem we a liid, ar a ruul. Evri singgl ting a im mek dem an a im dem mek fa.

Iibruu 11:3

Kaaz wi chos iina Gad, wi andastan se im jos se di wod an di worl mek, so di sitn dem we wi kyan si, dem kom fram di sitn dem we wi kyaahn si.

1 Jan 3:1

Luk umoch di Faada lov wi. Im kaal wi im uona pikni, an wi a riili fi im pikni fi chuu. Di piipl dem iina di worl no nuo wi, jos laik ou dem neva nuo Gad niida.