Biblia Todo Logo
Bìoball air-loidhne

- Sanasan -




Iibruu 1:3 - Di Jamiekan Nyuu Testiment

3 Wen yu luk pan Gad Bwai Pikni, yu kyan si Gad brait brait lait. An im shuo ou Gad tan, kaaz im komiin jos laik Gad. An im powaful wod mek evriting tan jos laik ou dem fi tan. So wen im don mek di wie so piipl kyan get paadn fram sin im go sidong op a evn, rait saida di wan we muo powaful dan evribadi els. An wich paat im sidong iina evn, a di tap-a-tap pozishan dat, an im get fi ruul uova evriting.

Faic an caibideil Dèan lethbhreac




Iibruu 1:3
42 Iomraidhean Croise  

“Tiicha, Muoziz se, ‘Ef wan man ded an neehn get no pikni, im breda fi marid im waif, an av pikni wid ar fi im ded breda.’


Afta di Laad Jiizas don taak tu dem, Gad tek im op iina evn an mek im sidong a im rait-an-said.


Nou, di wan we a di Wod ton man, im kom kom liv mongks wi, an wi si ou im big an powaful. Im a Faada Gad wan an onggl dege-dege Bwai Pikni. Faada Gad sen im kom an a di Faada mek im so big an powaful. Di Bwai Pikni shuo wi nof nof lov iivn duo wi no dizorv it, an a bier chuu sitn im shuo wi bout Gad.


Di neks die, Jan si Jiizas a waak kom wich paat im de. Im si im an se, “Unu luk! Si Gad Biebi Shiip de! A im a di wan we a-go mash op an tek we sin fram outa di worl!


Im a di wan we mek evriting liv, an a im kyari lait kom gi piipl so dem kyan si.


So Gad big op Jiizas an put im fi sidong a im rait an. An Faada Gad gi im Bwai Pikni di Uoli Spirit jos laik im did pramis. So aal wa unu a si an a ier ya nou, a Jiizas mek dem a apm.


Im se “Luk! Mi si evn uopm op an di Man we Gad pik tan op a Gad rait-an-said.”


Mi no shiem fi priich di Gud Nyuuz kaaz it powaful. A di Gud Nyuuz Gad yuuz fi siev aal a di piipl we chos iina Jiizas. Im yuuz it fi siev di Juu dem fos an den im yuuz it fi siev di piipl dem we a no Juu.


So den uu kyan joj di piipl we Gad pik an se dat dem gilti? Nobadi! Nobadi kyaahn du dat! Jiizas Krais we did ded an kom bak alaiv an uu sidong a Gad rait an, a taak tu Gad an a beg fi wi.


Dem no biliiv kaaz di devl we ruul da worl ya, blain dem so dat dem kyaahn si di lait. Im blain dem so dat dem kyaahn andastan di Gud Nyuuz bout Krais Jiizas. Im mek it so dat dem kyaahn andastan se Jiizas a jos laik Gad.


Sins Gad mek unu liv agen wen Krais Jiizas did kom bak alaiv, unu fi kip unu main an aat pan di sitn dem we de iina evn. A dem sitn de unu fi waahn. A de-so Krais Jiizas de. An im a sidong pan Gad rait an said.


Im a di wan we gi op im laif fi siev wi fram aal kain-a wikidnis an mek wi kliin so wi kuda bi im piipl; piipl we eva a chrai fi du gud.


Wich wan a di ienjel dem Gad eva se dis tu: “Sidong rait saida mi, a mi rait an, an kom ruul uova evriting. Sidong de til mi mek yu enimi dem kom ben dong infronta yu, mek yu kak op yu fut pan dem”?


Bot wen da priis ya gi onggl wan sakrifais, an da sakrifais ya kova evriting, im go sidong saida Gad, pan im rait-an-said.


Wi fi kip wi yai lak pan Jiizas. A im fos shuo wi wa it miin fi chos iina Gad, an mek wi kyan chos im iina evri wie. Im nuo se im did a-go en op wel api, so im go chuu di sofarieshan an go ded pan di kraas, an im neehn bizniz se im did a du sitn we evribadi els wuda shiem fi du. Afta dat im galang go sidong a Gad rait an.


Wi av wan liida fi di priis dem we a di bigis wan outa aal a di liida dem fi priis. Im go we Gad de — dat a Jiizas, Gad Bwai Pikni. So laik ou im a fi wi liida fi priis, di uol a wi we se wi biliiv iina im fi uol aan chrang chrang an gwaan biliiv siem wie.


Im no tan laik di ada liida dem fi di priis dem we afi bon sakrifais fi fi dem uona sin an den fi di piipl dem sin die afta die afta die. Nuo sa! Im sakrifais imself gi Gad wan taim, fi evribadi, an a it dat.


Nou dis a di mien sitn wi a se: Wi av wan liida fi priis we did sidong pan di rait-an-said a Gad chuon op iina evn.


Kaaz wen sumadi rait wan wil, dem afi pruuv se di sumadi ded fos fi di wil av yuus.


Ef a so, den Krais Jiizas wuda afi sofa uol iip a taim sins di worl mek. Bot nier di taim wen di worl a-go don nou, im gi op imself laik wan sakrifais, onggl wan taim, an dat kova evriting. Da wie de im kuda get rid a sin.


An a im mek unu biliiv iina Gad — Gad we did mek im kom bak alaiv an ana im. So da wie de unu wi chos iina Gad an unu wi kyan nuo fi shuor se im a-go kip im wod an du som gud sitn fi unu.


Jiizas Krais de iina evn nou an im de saida Gad rait an. Im av kanchuol uova aal a di ienjel dem, an di spirit dem we ruul an av powa.


Wen wi tel unu bout di powa a wi Laad Jiizas Krais an ou im a-go kom bak, a neva no mek op tuori wi did a tel unu bout. Bot a tingz we wi si fi wiself. Wid wi uona yai dem wi did si di brait brait lait.


Wi did de de wen Faada Gad imself ana Jiizas big taim, wen im ier di vais fram di riil big Wan — di wan we big an powaful. Di vais se, “Dis a fi mi pikni we mi lov an im mek mi wel api.”


Bot ef wi liv iina di lait siem laik Gad, wi a liv iina piis wid wan aneda. Da wie de Gad wash we aal a wi sin dem wid im Bwai Pikni blod.


Unu nuo se Jiizas kom fi tek we sin an im no av no sin at aal.


Im a di onggl Gad. Im siev wi wen im sen Jiizas Krais wi Laad fi ded fi wi. Big im op an worship im. A im av aal powa an di rait fi ruul iina evri wie an uova evribadi, bifuo taim did staat, rait ya nou, an fi eva an eva. Iemen!


Enibadi we biit di devl an no gi iin tu di sitn dem we im waahn dem fi du, mi a-go gi im di rait fi sidong saida mi, pan mi chuon, siem laik ou mi did biit di devl an no gi iin tu di sitn dem we im did waahn mi fi du, an sidong saida mi Faada pan fi'im chuon.


“Ana an rispek tu yu, wi Laad an wi Gad, yu fi get priez an ana an powa, kaaz yu mek evriting. Yu mek dem kaaz yu did waahn fi mek dem. An dem de ya kaaz yu waahn dem fi de ya.”


Lean sinn:

Sanasan


Sanasan