Ifiijan 6:6 - Di Jamiekan Nyuu Testiment

⁶ Unu fi du wa dem tel unu se unu fi du. Du it no onggl kaaz dem a wach unu an unu waahn dem fi tingk se unu a du gud. Bot du it kaaz unu a Krais Jiizas sliev, an unu nuo we Gad waahn unu fi du.

Ifiijan 6:6 Iomraidhean Croise

Matyu 12:50

Kaaz enibadi we du wa mi Faada iina evn waahn dem fi du, a dem a mi breda, sista an mada.”

Matyu 7:21

“A no evribadi we kom tu mi an kaal ‘Laad, Laad,’ a-go get fi kom ton wan a dem we Gad ruul uova yu no; onggl di piipl dem we du wa mi Faada iina evn waahn.

Maak 3:35

Enibadi we du wa Gad se dem fi du a mi breda, sista, an mada dat.”

Ruoman 6:17

Bot tangk Gad, iivn duo unu a did sin sliev, unu fala wid aal a unu aat, aal a di chuu sitn dem we mi did tiich unu.

1 Korintiyan 7:22

Kaaz ef sumadi a did wan sliev wen dem staat biliiv iina Gad, wi Laad Jiizas Krais frii dem. A siem so ef dem did frii wen Gad kaal dem fi bi paat a im piipl, dem a-go ton wan sliev fi Krais.

Gyalieshan 1:10

Nou, wen mi taak so, a uu unu tingk mi a chrai fi win uova, Gad ar man? A uu unu tingk mi a chrai fi mek api? Ef mi did stil a chrai fi mek piipl api wid mi, mi wudn bi wan sliev fi Krais Jiizas.

Ifiijan 5:17

So no bada gwaan laik unu chupid. Fain out we di Laad riili waahn unu fi du.

Filipiyan 2:12

So mi gud fren, unu si siem laik ou unu aalwiez du we Gad waahn unu fi du, no onggl wen mi de de wid unu bot wos laik ou mi no de de, gwaan du di sitn dem we wi mek piipl si se Gad siev unu an unu av nof rispek fi im iina evriting we unu a du.

Koloshan 1:9

Siek-a dis, fram di die wi ier dat, wi no tap prie fi unu an a aks Gad fi mek unu nuo fi shuor wa im waahn unu fi du. Wi prie se im Spirit wi mek unu waiz an kyan andastan. Da wie de unu wi riili nuo wa im waahn.

Koloshan 4:12

Epafras, we kom fram mongks unu, an we a wan a Krais Jiizas sorvant dem, im se oudi tu. Im eva a prie fi unu wid aal a im aat. Im prie se unu wi tan op chrang iina Gad an no tap chos iina im. Im prie se unu wi biliiv iina Gad so til nobadi kyaahn mek unu tap chos iina im. An im prie aad se unu wi nuo fi shuor wa Gad waahn unu fi du an fi biliiv.

1 Tesaluoniyan 2:4

Insted-a dem sitn de, wa wi did du? Wi taak laik man we Gad tes an tingk gud inof fi sen wid di mesij bout Jiizas. Wi naa chrai fi mek nobadi laik wi, wi onggl waahn du wa Gad waahn wi fi du kaaz a im a si wi aat.

1 Tesaluoniyan 4:3

Gad waahn unu fi liv wan laif we gud an kliin an we shuo se unu a fi im uona piipl, so unu fi kip we fram aal kain-a seks sin.

Iibruu 10:36

Unu afi uol aan an pres chuu fi du wa Gad waahn unu fi du, an so get di sitn dem we im pramis fi gi unu.

Iibruu 13:21

wi gi unu aal a di gud sitn dem we impuotant fi go du wa im waahn unu fi du. Mi prie tu se im wi mek wi ton aal a wa im waahn wi fi ton. An dis wi apm kaaz im wi mek Krais Jiizas du dat. Di piipl dem fi priez Krais Jiizas fi eva an eva an lif im op. Iemen.

1 Piita 2:15

Wa Gad waahn a fi unu du wa rait, an da wie de aal a uu no nuo beta an a chat fuulinish wi tap dem naiz.

1 Piita 4:2

Fram nou aan den, da sumadi de no fi spen di res a dem laif pan da ort ya a du aal kain-a sitn we no av notn fi du wid Gad laka wan taim, kaaz a dat dem mait-a waahn fi du. Nuo, dem fi liv ou Gad waahn dem fi liv.

1 Jan 2:17

Di worl an aal a di wikid sitn dem iina it a go we bot aal a di piipl dem we du we Gad waahn dem fi du wi liv fi eva.