Ifiijan 6:5 - Di Jamiekan Nyuu Testiment

⁵ Unu si unu we a sliev, unu fi rispek unu maasta an du we dem waahn unu fi du. Unu fi sorv dem wid aal a unu aat, siem laik ou unu wuda du we Krais Jiizas waahn unu fi du.

Ifiijan 6:5 Iomraidhean Croise

Matyu 6:22

“Di yai dem a laik lamp, a dem gi di uol badi lait. So ef yu yai dem gud, yu uol badi wi ful-a lait. So unu wi si gud gud wa unu a du iina evri paat a unu laif.

Matyu 6:24

“Nobadi kyaahn sorv tuu maasta. Yu wi iet wan an lov di ada wan, ar yu wi ron go du eniting we wan waahn, bot no tuu bizniz wid di ada wan. Unu kyaahn sorv Gad an moni.

Matyu 8:9

Kaaz mi tek aada fram dem we uova mi tu, an mi av suoja we mi kanchuol. Mi tel da wan ya, ‘Go de-so’ an im go, an wan neks wan, ‘Kum ya’ an im kom. An mi tel mi sorvant, ‘Du dis’ an im dwi'it.”

Aks 2:46

Evridie dem miit op iina di yaad we Gad ous de. Dem go a wan aneda ous an iit fuud tugeda an dem aat did wel api. Dem did api fi shier wid wan aneda.

Ruoman 9:3

wen mi tingk bout fi mi piipl, di piipl we kom fram fi mi konchri, Izrel. Fi fi dem siek mi wish se a did mi. Mi wish se a did mi Gad joj an se fi ded an we no bilang tu Krais Jiizas no muor. Di piipl we kom fram fi mi konchri,

1 Korintiyan 2:3

Wen mi did kom tu unu, mi did wiik, an mi did fried so til mi did a chrimbl.

1 Korintiyan 7:22

Kaaz ef sumadi a did wan sliev wen dem staat biliiv iina Gad, wi Laad Jiizas Krais frii dem. A siem so ef dem did frii wen Gad kaal dem fi bi paat a im piipl, dem a-go ton wan sliev fi Krais.

2 Korintiyan 1:12

Nou dis a wa wi av we wi kyan buos bout: fi wi kanchens naa bada wi kaaz wi nuo se wi liv gud wid evribadi. Aal unu, muor dan di res a piipl dem, wi chriit gud. Wi neva aid notn fram unu an wi aalwiez liv laik ou piipl we se dem bilang tu Gad fi liv. An wi naa liv so kaaz wi sumaat ar wi av sens, bot kaaz Gad gud tu wi an a im mek wi kyan liv so.

2 Korintiyan 7:15

So wen Taitos tingk bout unu an im memba ou unu did eva redi fi fala wa im tel unu, an ou unu tek im iin an rispek im nof nof, im aat jos ful op a lov fi unu.

Ifiijan 5:22

Di uman dem we av ozban mos ombl demself an du we dem ozban se dem fi du jos laik ou dem wuda ombl demself an du we Krais Jiizas se dem fi du.

Ifiijan 6:24

Yu si aal uu lov wi Laad Jiizas Krais, mi prie se unu wi si ou Gad lov unu, iivn duo wi no dizorv it.

Filipiyan 2:12

So mi gud fren, unu si siem laik ou unu aalwiez du we Gad waahn unu fi du, no onggl wen mi de de wid unu bot wos laik ou mi no de de, gwaan du di sitn dem we wi mek piipl si se Gad siev unu an unu av nof rispek fi im iina evriting we unu a du.

Failiiman 1:16

Nou im a no jos wan sliev, im a muor dan dat. Oniisimos a yu sliev bot nou im a yu breda tu. Im a yu gud gud breda chuu im biliiv iina Jiizas jos laik wi. Im miin uol iip tu mi an im a-go miin nof muor tu yu.

1 Piita 3:2

Kaaz dem wi si ou unu rispek dem an si se unu riili a liv fi Gad.