Ifiijan 6:23 - Di Jamiekan Nyuu Testiment

²³ Mi prie se Faada Gad an wi Laad Jiizas Krais wi elp aal a unu we chos iina im, fi liv iina piis an lov unu wan aneda.

Ifiijan 6:23 Iomraidhean Croise

Jan 14:27

“Mi a lef go we, bot mi a-go mek unu av piis iina unu aat — di kain-a piis we mi av iina fi mi aat. A no di sed kain-a piis yu get fram di worl. No mek unu aat bada unu, an no kech unu fried.

Ruoman 1:7

So mi a rait da leta ya tu aal a unu iina Ruom we Gad lov an uu im kaal fi bi im piipl. Mi prie se wi Faada Gad an di Laad Jiizas Krais wi shuo unu lov iivn duo wi no dizorv it an gi unu piis iina unu aat.

Ruoman 15:33

Nou mi prie se Gad we gi piipl piis iina dem aat wi tan wid di uol a unu. Iemen!

1 Korintiyan 1:3

Mi prie se wi Faada Gad an wi Laad Jiizas Krais wi shuo unu lov iivn duo wi no dizorv it an gi unu piis iina unu aat.

2 Korintiyan 13:11

Breda an sista, aal mi av fi se fi don da leta ya a dat mi uop se unu wi api. Chienj unu wiez an liv ou unu sopuoz fi liv. Mi a beg unu lisn an fala aal we mi tel unu. Kom tugeda an biliiv di siem ting an liv iina piis wid unu wan aneda. An Gad we lov wi an we gi wi piis wi tan wid unu aalwiez.

Gyalieshan 5:6

Kaaz wen yu an Jiizas a wan it no mata ef yu sorkomsaiz ar yu no sorkomsaiz. Di onggl ting wa mata a dat yu chos iina im. An yu shuo se yu chos iina im wen yu shuo lov.

Gyalieshan 6:16

Fi evribadi we grii wid mi — mi prie se Gad wi gi dem piis an dat im wi gud an kain tu dem an aal a im piipl dem.

Ifiijan 6:24

Yu si aal uu lov wi Laad Jiizas Krais, mi prie se unu wi si ou Gad lov unu, iivn duo wi no dizorv it.

1 Tesaluoniyan 5:8

Bot wi we bilang tu di die, wi fi tingk chriet an chos iina Gad an lov im. Da wie de wi a protek wiself jos laik di suoja dem wen dem wier di metal ves. An jos laik ou di suoja dem put aan di elmit fi protek dem ed, a siem so wi fi protek wiself an luk faawod fi Gad siev wi, an biliiv iina wi aat se im a-go du it.

2 Tesaluoniyan 1:3

Breda an sista, wi fi gi Gad tangks fi unu aal di wail — an dat a di rait ting tu. Wi fi gi tangks, kaaz unu a chos iina Gad muo an muo an a lov unu wan aneda muo an muo tu.

2 Tesaluoniyan 3:16

Nou mi prie se di Laad imself we gi piis, wi gi unu piis iina unu aat fi eva, no mata wa a gwaan. An mi prie se im wi tan wid di uol a unu.

1 Timoti 1:14

Jiizas Krais wi Laad did shuo mi lov iivn duo mi neva dizorv it at aal at aal. Im kaaz mi fi biliiv iina im an fi lov piipl.

1 Timoti 1:3

Wen mi did a go Masiduoniya, mi beg yu fi tan a Efisos so yu kyan waan di piipl dem we naa tiich Gad wod fi tap pred faalz wod.

1 Timoti 5:8

Bot enibadi we no tek kier a dem uona fambili dem a ton dem bak pan Gad wod an wosa dan sumadi we neva biliiv iina Gad at aal.

1 Piita 5:14

Kis unu wan aneda fi mi, iina lov, an tel evribadi oudi. Piis an lov fi aal a unu we a fala Krais Jiizas. Iemen.

3 Jan 1:14

Mi suun kom luk fi yu, so wi kyan sidong an chat.

Revilieshan 1:4

Dis a Jan. Mi a rait da leta ya tu di sevn choch dem we de iina Iezha. Mi a prie se Gad, di wan we alaiv, di wan we de bout fram wie bak wen, an di wan we a-go kom baka ort, an im Uoli Spirit we de infronta im chuon, wi gud an kain tu unu an gi unu piis iina unu aat.