Ifiijan 6:14 - Di Jamiekan Nyuu Testiment

¹⁴ Unu wi tan op chrang wen unu faasn di chuut roun unu laik wan belt roun unu wies, wen unu du di sitn dem we rait iina Gad yai dem kyan protek unu laik ou suoja aiyan ves protek dem ches.

Ifiijan 6:14 Iomraidhean Croise

Luuk 12:35

“Fiks op unu kluoz so unu redi fi wok an kip unu lamp a bon tu,

Ruoman 13:12

Wi taim pan da ort ya suun don, it komiin laik wen nait a don an die a lait. So mek wi tap du di wikid sitn dem we piipl du iina di daak an insted-a dat tek op di wepan dem wa wi yuuz fi fait iina di die taim.

2 Korintiyan 6:7

Wi onggl tiich di chuut an Gad powa a wok iina wi. An siem laik ou suoja yuuz di wepan iina dem lef an fi protek demself an di wan iina dem rait an fi fait di piipl dem we a kom gens dem a siem so di gud we wi du wi fait an protek wi fram evriting we wuda kom gens wi.

Ifiijan 5:9

(kaaz di sitn dem we kom fram di lait, a onggl wa gud, rait an chuu).

Ifiijan 6:13

So unu fi put aan aal a unu aami kluoz dem we Gad gi unu fi protek unuself. Da wie de, enitaim di devl kom chrai fi wok im chrik pan unu, unu wi kyan tan op chrang gens im. Unu wi fait im til im no av no fait lef iina im. An wen unu don fait im, unu wi stil tan op chrang.

1 Tesaluoniyan 5:8

Bot wi we bilang tu di die, wi fi tingk chriet an chos iina Gad an lov im. Da wie de wi a protek wiself jos laik di suoja dem wen dem wier di metal ves. An jos laik ou di suoja dem put aan di elmit fi protek dem ed, a siem so wi fi protek wiself an luk faawod fi Gad siev wi, an biliiv iina wi aat se im a-go du it.

1 Piita 1:13

So siek-a aal we Gad du, mek shuor se unu get unu main redi fi akshan. Kanchuol unuself an staat liv siiros. Kip unu main onggl pan di blesn dem we Gad a-go gi unu wen Krais Jiizas kom bak.

Revilieshan 9:17

Di aas an di raida dem we mi si iina mi vijan, a so dem luk: dem av aan sitn laik aiyan jakit we suoja wier fi protek demself. Dem kola red laik faiya, an daak bluu, an yelo laik solfa. Dem ed luk laik laiyan ed, an faiya, sumuok, an solfa did a kom outa dem mout.

Revilieshan 9:9

Di graasapa dem did av aan sitn we luk laik di aiyan jakit we suoja wier fi protek demself. An dem wing soun laik di naiz fram wan uol iip a aas an kyaat wid suoja a gyalop go a waar.