Ifiijan 6:11 - Di Jamiekan Nyuu Testiment

¹¹ Siem laik ou suoja put aan dem speshal kluoz fi elp protek demself, a siem so unu fi put aan unu aami kluoz dem we Gad gi unu. Da wie de, unu kyan fait di devl wen im kom gens unu wid im wikid chrik dem.

Ifiijan 6:11 Iomraidhean Croise

Maak 13:22

Kaaz piipl a-go kom kom se dem a di wan we Gad sen fi siev piipl, wen notn no go so. An som faalz prafit a-go shuo op tu. Dem piipl de a-go wok aal kain-a mirikl an shuo aal kain-a sain fi chrik op piipl, dong tu aal di piipl dem we Gad pik dem wi chrik op ef dem get di chaans.

Ruoman 13:12

Wi taim pan da ort ya suun don, it komiin laik wen nait a don an die a lait. So mek wi tap du di wikid sitn dem we piipl du iina di daak an insted-a dat tek op di wepan dem wa wi yuuz fi fait iina di die taim.

Ruoman 13:14

Insted-a aal a dat, unu fi mek Jiizas Krais ruul uova unu an tap tingk bout di wikid sitn dem we unu badi waahn fi du an ou unu kyan get dem sitn de.

1 Korintiyan 10:13

Di siem sin dem we unu a chogl wid, evribadi els a chogl wid dem tu. Bot Gad gud, im naa go mek yu fies no sin an no gi yu wan wie fi diil wid it — im naa go gi yu muor dan yu kyan manij.

2 Korintiyan 10:4

Kaaz di sitn dem we wi fait wid, a no di siem kain-a sitn we di worliyan dem fait wid. No man neva mek di sitn dem we wi yuuz; di sitn dem we wi yuuz fi fait, a Gad mek dem an im gi dem di powa fi mash dong eniting we di enimi chrai fi bil op gens wi. Wi mash op dem aagiment,

2 Korintiyan 11:3

Bot mi fried se, jos laik ou di siniek di chrik op Iiv, sumadi a-go chrik unu an kaaz unu fi ton we fram Krais Jiizas an tap fala im wid aal a unu aat.

2 Korintiyan 2:11

Wi fi paadn im so dat Sietan no win kaaz wi nuo se im eva a luk fi wan wie fi kaaz chobl an mek piipl ton we fram Gad.

2 Korintiyan 4:4

Dem no biliiv kaaz di devl we ruul da worl ya, blain dem so dat dem kyaahn si di lait. Im blain dem so dat dem kyaahn andastan di Gud Nyuuz bout Krais Jiizas. Im mek it so dat dem kyaahn andastan se Jiizas a jos laik Gad.

2 Korintiyan 6:7

Wi onggl tiich di chuut an Gad powa a wok iina wi. An siem laik ou suoja yuuz di wepan iina dem lef an fi protek demself an di wan iina dem rait an fi fait di piipl dem we a kom gens dem a siem so di gud we wi du wi fait an protek wi fram evriting we wuda kom gens wi.

Ifiijan 4:14

Wen da taim de kom, wi naa go komiin laik likl pikni we iizi fi get fuul op. Wi naa go komiin laik wan likl buot we di sii pich aal bout, ar we briiz bluo aal uova di plies. No laiyad, jinal tiicha kyaahn kom chrik wi ar fuul wi op.

Ifiijan 4:24

An unu lorn fi liv laik wan nyuu sumadi we Gad mek aal uova agen. Gad mek unu fi tan jos laik im — fi du wa rait an wa gud an kliin azkaadn tu di chuut.

Ifiijan 6:13

So unu fi put aan aal a unu aami kluoz dem we Gad gi unu fi protek unuself. Da wie de, enitaim di devl kom chrai fi wok im chrik pan unu, unu wi kyan tan op chrang gens im. Unu wi fait im til im no av no fait lef iina im. An wen unu don fait im, unu wi stil tan op chrang.

Koloshan 3:10

Unu a nyuu sumadi nou. An Gad a mek unu komiin muo an muo laik im. Da wie de unu kyan riili get fi nuo im — di wan we mek unu, an we mek evriting els.

1 Tesaluoniyan 5:8

Bot wi we bilang tu di die, wi fi tingk chriet an chos iina Gad an lov im. Da wie de wi a protek wiself jos laik di suoja dem wen dem wier di metal ves. An jos laik ou di suoja dem put aan di elmit fi protek dem ed, a siem so wi fi protek wiself an luk faawod fi Gad siev wi, an biliiv iina wi aat se im a-go du it.

Iibruu 7:25

Piipl kyan kom tu Gad siek-a im an im kyan siev dem piipl de fi eva an eva. Im kyan siev dem fi eva kaaz im naa ded so im kyan aalwiez taak tu Gad fi dem.

Jiemz 4:7

So ton tu Gad an no du notn we di devl waahn unu fi du. Tan op chrang chrang gens im, an im wi ron we fram unu.

1 Piita 5:8

Wach out! Wiek op. Unu fi get unu main redi fi akshan. Klier unu ed an staat tingk chriet. Unu enimi — di devl, im a siniik roun laik wan wikid onggri-beli laiyan, a luk sumadi fi nyam.

Juud 1:24

Di onggl Gad, di wan we siev unu, av powa fi kip unu fram tombl dong iina di devl chrap. Im wi mek unu tan op infronta im iina im brait brait lait wen im kom bak iina aal a im powa, an mek unu wel api an no fain no faalt wid unu.

Revilieshan 12:9

Di powaful jragan — di uol siniek we did de bout fram wie bak wen, we dem kaal di devl, ar sietan, we chrik di uol worl fi sin gens Gad, im an im ienjel dem get fling dong a ort.

Revilieshan 19:20

Bot di wail animal an di faalz prafit we did du di mirikl dem fi di wail animal get kyapcha. Di faalz prafit did yuuz di mirikl dem fi fuul op di piipl dem we did tek di maak a di wail animal an we worship di sitn we luk laik im. Di tuu a dem get fling dong iina di liek a faiya we a bon wid solfa.

Revilieshan 2:24

Nou dis a wa mi a tel di res a unu we de a Taiyataira, unu we naa fala di laiyad sitn dem we Jezibel a tiich an we no nuo notn bout wa dem kaal di siikrit sitn dem we Sietan shuo dem — mi naa put no muo presha pan unu.