Ifiijan 5:8 - Di Jamiekan Nyuu Testiment

⁸ Wan taim, unu did a liv iina di daak laik piipl we no nuo Gad. Bot nou dat unu ton di Laad pikni, unu no iina daaknis agen, unu iina lait. So nou, unu mos liv laik piipl we de iina di lait,

Ifiijan 5:8 Iomraidhean Croise

Matyu 3:8

Du di sitn dem we shuo se unu riili tap sin.

Matyu 4:16

di piipl dem we sidong iina di daak Gad shuo dem wan nyuu laif — a laka wan brait lait dem si. An aal uu weehn a liv, bot neehn riili a liv fi chuu, a laik nait don an di son a kom op, kaa Gad kom kom siev unu ya nou.”

Luuk 1:79

It a-go shain pan di wan dem we a liv iina di daak an we fried fi ded. An im a-go shuo wi ou fi liv iina piis.”

Luuk 16:8

“Iivn duo di manija did tiif, di maasta big im op kaaz im did sumaat. Di piipl we bilang tu da worl ya, sumaata wen dem a diil wid dem wan aneda, dan Gad piipl.

Jan 1:9

Da lait de a di riil lait an im kom iina di worl an mek evribadi nuo im.

Jan 12:35

Den Jiizas se tu dem se, “Unu a-go av di lait wid unu fi onggl likl bit langga. Waak wen unu av di lait, bifuo daaknis tek unu uova. Sumadi we a waak iina daaknis no nuo wich paat im a go.

Jan 12:36

Chos iina di wan we gi lait wail unu av im wid unu, chos iina im so unu kyan bi piipl we bilang tu di lait.” Afta Jiizas don taak, im lef go we go aid imself fram di kroud.

Jan 12:46

Mi kom iina di worl laka wan lait, so dat dem we chos iina mi no gweehn tan iina daaknis.

Jan 8:12

Jiizas staat taak tu di piipl dem agen an se, “Mi a di wan we lait op di worl. Enibadi we fala mi naa go waak iina di daak, bot dem a-go av di lait we gi piipl laif.”

Aks 17:30

So fos taim wen piipl neva nuo Gad, im neva ponish dem. Bot nou im a aada evribadi evriwe fi ton we fram dem sin an beg Gad paadn,

Aks 26:18

Mi a sen yu tu dem so yu kyan elp dem fi si an kom outa di daaknis an kom iina di lait. An mi a sen yu fi elp dem get frii fram Sietan powa an mek Gad ruul dem laif. Da wie de dem wi ton paat a Gad piipl uufa sin im paadn kaaz dem biliiv iina im.’

Ruoman 1:21

An iivn duo dem nuo se im a Gad, dem no chriit im laik se im a Gad. Dem no priez im an dem no gi im tangks fi aal we im du fi dem. Siek-a dat dem staat tingk bier fuulinish, notn we dem tingk no rait an dem kyaahn andastan notn bout Gad.

Ruoman 13:12

Wi taim pan da ort ya suun don, it komiin laik wen nait a don an die a lait. So mek wi tap du di wikid sitn dem we piipl du iina di daak an insted-a dat tek op di wepan dem wa wi yuuz fi fait iina di die taim.

Ruoman 2:19

Unu biliiv se a unu a liida fi di piipl we blain an dat unu a wan lait fi di piipl we de iina daaknis.

1 Korintiyan 1:30

A Gad kaaz unu fi kluos wid Jiizas Krais. An a Jiizas mek wi kyan nuo Gad an kyan andastan sortn tingz — Gad mek wi waiz wen wi kluos wid Jiizas. An chuu wi kluos wid Jiizas, Gad tek we aal a wi sin an mek tingz rait bitwiin wi an im. An so wi a im pikni nou.

2 Korintiyan 3:18

An so aal a wi we bilang tu Jiizas, fi wi fies no kova op an wi kyan luk pan di Laad brait brait lait. An di Uoli Spirit we a di Laad kaaz wi fi shain brait brait tu. An muor an muor im a mek wi laik imself, til wan die wi a-go luk jos laik im.

2 Korintiyan 4:6

Di Gad we se, “Mek di lait shain iina di daak,” a im siem wan mek im lait shain iina wi aat so dat wi kyan andastan umoch im lov wi an ou powaful im bi. An wi onggl get fi andastan dem sitn de wen wi biliiv iina Krais Jiizas.

2 Korintiyan 6:14

No jain op jain op wid piipl we no biliiv iina Jiizas. Kaaz wa sumadi we a liv rait av fi du wid sumadi we a diil wid bier wikidnis? Ar ou lait an daak fi shier spies?

Gyalieshan 5:25

So sins Gad Spirit gi wi laif, mek wi liv ou di Spirit waahn wi fi liv.

Ifiijan 2:2

Dem taim de unu yuus tu du di wikid sitn dem we di worliyan dem du. Unu yuus tu fala di wan we ruul an av powa iina di skai, di spirit we a wok iina di piipl dem we ton we fram wa Gad waahn dem fi du.

Ifiijan 4:18

Dem kyaahn andastan notn, an dem no av no lat an paat iina di nyuu laif we Gad gi, kaaz dem no nuo bout Gad. An dem no nou notn bout Gad, kaaz dem ton dem main gens im.

Ifiijan 5:2

Lov unu wan aneda, jos laik ou Krais Jiizas lov unu. Im gi op im laif fi wi laik wan swiit sakrifais we dem bon pan alta gi Gad.

Ifiijan 6:12

Kaaz wi iina wan fait, bot a no naamal sumadi wi a fait gens. Nuo! Wi a fait gens som wikid spirit iina di skai we av di powa an di rait fi ruul iina da taim ya we daak laik nait.

Koloshan 1:12

an a gi di Faada tangks tu. A Faada Gad mek unu gud inof fi kom get wa im pudong fi im piipl dem iina im kindom. Faada Gad a lait an fi im kindom ful op a im lait.

Koloshan 1:13

Daaknis did ruul uova wi, an Gad kom siev wi fram di daaknis an bring wi wich paat im Bwai Pikni a-go ruul uova wi — im Bwai Pikni we im lov,

Taitos 3:3

Kaaz wan taim wi yuus tu fuul-fuul tu, wi neva waahn fala notn we nobadi se an wi a did sliev tu aal a di wikid sitn dem we wi waahn. Evridie wi beks wid wi wan aneda an wi eva waahn wa sumadi els av. Aal wi du a iet: wi iet evribadi an evribadi iet wi.

1 Jan 1:7

Bot ef wi liv iina di lait siem laik Gad, wi a liv iina piis wid wan aneda. Da wie de Gad wash we aal a wi sin dem wid im Bwai Pikni blod.