Ifiijan 5:3 - Di Jamiekan Nyuu Testiment

³ Unu a Gad speshal piipl. So non a unu no fi get miks op iina naasi laif laik: man a sliip wid uman we a no im waif, man a sliip wid man, ar uman wid uman. Unu no fi waahnti-waahnti niida. Dem de sitn de no fi de mongks Gad piipl at aal at aal.

Ifiijan 5:3 Iomraidhean Croise

Matyu 15:19

Kaaz a outa di aat aal kain-a wikidnis we piipl tingk op kom fram. Wen sumadi go kil, go sliip wid sumadi we dem no marid tu ar gwaan wid aal kain-a ada seks sin, wen piipl tiif, tel lai, ar tek dem mout tier dong ada piipl — a di aat dem sitn de kom fram.

Luuk 12:15

Den im tel dem se, “Wach out! Unu fi gyaad gens aal kain-a red yai, kaaz laif no jos bout umoch sitn wi uon.”

Luuk 16:14

Di Farisii dem laaf aafa Jiizas wen dem ier dis, kaaz dem lov moni.

Aks 15:20

Insted-a dat, wa wi fi du a rait an tel dem se dem no fi nyam no fuud we piipl tek bon sakrifais gi faalz gad, ton we fram aal saat a seks sin, no nyam miit fram animal we eng ar we dem blod neva bliid out wen dem get kil, an no nyam ar jringk blod.

Aks 20:33

Mi neva red yai nobadi fi dem moni ar dem dier kluoz.

Ruoman 1:29

Dem de piipl de wikid, dem ful op a wikidnis. Dem eva waahn wa ada piipl av an dem eva a du bad sitn tu ada piipl. Dem de piipl de ful op a bad main. Dem lov fi kos an fait, dem eva a chrai fi chrik dem wan aneda an dem eva waahn fi kil aaf dem wan aneda tu. Dem de piipl de lov fi susu-susu.

Ruoman 16:2

Tek ar iin an chriit ar laik ou unu nuo unu fi chriit Gad piipl, kaaz shi bilang tu Gad, an Gad piipl sopuoz fi chriit dem wan aneda gud. Eniting shi niid fram unu, gi it tu ar, kaaz a nof piipl shi elp — shi aal elp mi.

Ruoman 6:13

No lou no paat a unu fi miks op iina sin. No lou sin fi yuuz unu badi fi du aal kain-a wikidnis. Insted-a dat, gi unu laif tu Gad. A laik unu did ded an Gad mek unu kom bak alaiv an a liv nou. So unu mos gi unuself tu Gad. Gi im evri paat a unu so dat im wi yuuz unu fi du wa rait.

1 Korintiyan 10:8

Wi no fi tek paat iina no kain-a seks sin laik dem. Kaaz a so mek twenti chrii touzn a dem ded aaf iina wan die.

1 Korintiyan 5:1

Nou piipl kom tel mi se unu av som piipl mongks unu we a du aal kain-a seks sin. Di sitn dem we dem a du so bad dat no iivn di piipl dem we no nuo Gad wuda du dem. Mi a ier bout ou wan man aal a sliip wid im stepmada.

1 Korintiyan 6:13

Ada piipl wi se tu, “Fuud a fi yu beli an yu beli a fi fuud,” — bot Gad a-go mash op di tuu a dem. Yu badi neva mek fi yu tek it go tek paat iina aal kain-a seks sin. Yu badi a fi di Laad an di Laad a fi yu badi.

1 Korintiyan 6:18

Unu fi ron we fram aal kain-a seks sin. Di res a sin dem we piipl du apm outsaida di badi — it naa du dem badi notn. Bot di piipl we tek paat iina aal kain-a seks sin a mash op dem badi.

2 Korintiyan 12:21

Mi fried se wen mi kom de, Gad we mi sorv, a-go mek mi fiil shiem agen an mi a-go baal fi di wan dem we a sin, an we naa chienj dem wiez an beg Gad fi paadn dem. Dem naa beg Gad fi paadn dem fi di doti laif we dem a liv an fi ou wail dem a gwaan. Dem naa beg Gad fi paadn dem fi aal a di seks sin dem we dem a du.

Ifiijan 5:12

Kaaz di sitn dem we dem a aid an a du, so naasi, piipl shiem fi taak bout dem.

Ifiijan 5:5

Unu kyan nuo fi shuor se enibadi we sliip wid sumadi dem no marid tu, dem kyaahn tek paat iina di nais sitn dem we put op fi Gad piipl iina Faada Gad an Krais Jiizas kindom. Di siem ting go fi dem we du naasinis an dem we waahnti-waahnti (dem piipl de a worship faalz gad).

Filipiyan 1:27

So mek shuor se unu liv ou di Gud Nyuuz bout Krais Jiizas se unu fi liv. Da wie de weda mi kom luk fi unu, ar mi no kom, mi wi ier se aal a unu a tan op chrang tugeda fi di siem ting an a fait fi wa unu biliiv bout di Gud Nyuuz.

Koloshan 3:5

Eniting we insaida unu we bilang tu da worl ya — dash it we! Mi a taak laik seks sin, an ou unu mait-a lang fi go miks op unuself iina dem sitn de. Unu mait-a no tap tingk bout dem, an waahn fi go du dem so til unu galang go du dem. Bot dem de no kliin. Unu fi dash we dat! Plos aal a di sitn dem we unu waahn waahn we no rait; plos di wikid sitn dem we unu waahn fi du. Unu fi klier dem outa unu laif! Kil dem! An unu no fi waahnti-waahnti niida; aal waahn waahn tingz we unu no niid! Wen unu du dat, a worship unu a worship dem sitn de insted-a unu a worship Gad.

1 Tesaluoniyan 4:3

Gad waahn unu fi liv wan laif we gud an kliin an we shuo se unu a fi im uona piipl, so unu fi kip we fram aal kain-a seks sin.

1 Tesaluoniyan 4:7

Kaaz Gad neehn kaal wi fi wi dabl iina seks sin, bot fi liv kliin.

1 Timoti 2:10

Wa dem fi du a jres op demself wid di gud sitn dem we dem du fi ada piipl. A dat uman we a fala Gad fi du.

1 Timoti 3:3

Im no fi lov jringk tu moch an im no fi lov fait, bot im fi nais an jengkl an liv iina piis wid evribadi. Pan tap a dat im no fi lov moni niida.

1 Timoti 6:10

Kaaz di lov fi moni a di ruut fi aal kain-a wikidnis. Som piipl waahn moni so bad dat dem ton dem bak pan Gad an bring dong nof kraasiz pan demself.

2 Timoti 3:2

Piipl onggl a-go bizniz wid demself an dem a-go lov moni. Dem a-go gwaan buosi-buosi an ful-a demself. Dem a-go kos out an biit op biit op dem wan aneda an dem naa go fala wa dem mada an faada se. Piipl naa go gi tangks fi notn an dem naa go av notn fi du wid Gad.

Taitos 1:11

Yu mos shot dem op; tap dem fram taak fuulinish. Kaaz dem a kaaz aal wan uol-a fambili fi ton we fram di chuut siek-a di sitn dem we dem a tiich. Dem a tiich tingz we dem no fi tiich an dem a du it so dem kyan mek moni.

Taitos 1:7

Sins di elda a-go inchaaj a Gad wok, im afi bi sumadi we di piipl dem kyan rispek an no av notn bad fi se bout. Im no fi ful-a imself, kwik fi get beks an im no fi lov waar niida. Im no fi lov jringk tu moch an im no fi lov ron dong moni.

Taitos 2:3

A siem so di uolda uman dem fi liv laik uman we se dem a fala Gad. Dem no fi tel lai ar taak bad bout ada piipl. Dem no fi lov wain so til dem kyaahn tap jringk it niida. Di uolda uman dem fi tiich wa gud.

Iibruu 12:16

An mek shuor tu, se nobadi no kom liv no luus laif an naa no rispek fi Gad an Gad sitn dem laik Iisaa. Evriting we Iisaa wuda get, kaaz im a im faada fos bwai pikni, im gi we aal a dat fi wan dege-dege pliet a fuud.

1 Piita 5:2

tek kier a di shiip dem we Gad gi unu, an no du it kaaz nobadi a fuos unu fi du it bot kaaz unu waahn fi du it. A so Gad waahn it fi go. No du it kaaz unu waahn moni niida bot du it kaaz unu riili waahn fi elp dem.

2 Piita 2:10

An aal di wan dem we eva gi iin tu wa dem badi waahn an iet nobadi we ruul uova dem, a dem im a-go ponish wikid wikid. Dem faalz tiicha ya, so brait an out-a-aada an tingk se dem nuo muo dan evribadi els, so dem mosn lisn wa nobadi se. An dem no fried fi bad mout di spirit dem we av powa fi ruul uova piipl.

2 Piita 2:14

Evritaim dem luk pan wan man, ar dem luk pan wan uman aal dem kyan tingk bout a fi go bed wid im ar fi go bed wid ar. Dem eva a luk fi di chaans fi sliip wid sumadi. Dem eva a sin a galang so, laik se dem kyaahn satisfai. An dem pul iin di wiik wan dem iina dem chrap. Dem set iina dem aat fi bi griidi. Bot fi aal a dem sitn ya we dem du — Gad gweehn ponish dem!

2 Piita 2:3

Siek-a ou dem faalz tiicha ya griidi, dem a-go mek op tuori fi chrai mek moni aafa unu. Bot a lang taim nou dem jojment redi. An Gad naa sliip, im a-go mash dem dong!

Revilieshan 2:14

Bot mi stil av sopm gens unu. Unu av som piipl iina unu choch we a fala wa Bielam tiich. Bielam did tiich Bielak ou fi chrik di Izrelait dem fi mek dem sin. Im chrik dem mek dem nyam fuud we did bon pan alta gi faalz gad, an mek dem sliip wid ada piipl ozban an waif.

Revilieshan 2:21

Mi gi ar taim fi chienj ar wiez an fi shuo se shi sari fi di rang we shi a du, bot shi aad-iez an no waahn gi op ar seks sin dem.

Revilieshan 21:8

Bot di wan dem we a kowad, we no biliiv iina Gad, we mek demself doti wid aal a di naasi sitn we dem du, we kil piipl, we tek paat iina aal kain-a seks sin, we wok uobiya, we worship faalz gad an we tel lai — dem a-go get fling dong iina di liek a faiya we a bon wid solfa. A dis a di sekan det.”

Revilieshan 22:15

Bot di piipl dem we mek demself doti wid aal kain-a naasinis kyaahn go iina di siti: piipl we wok uobiya, du aal kain-a seks sin, kil piipl, worship faalz gad, an piipl we lov fi tel lai, non a dem kyaahn go iina di siti.

Revilieshan 9:21

An dem neva tap kil an wok uobiya, an tek paat iina aal saat a seks sin, an dem neva tap tiif niida.