Ifiijan 5:25 - Di Jamiekan Nyuu Testiment

²⁵ Nou, di ozban dem fi lov dem waif siem laik ou Krais Jiizas lov di choch an ded pan di kraas fi it.

Ifiijan 5:25 Iomraidhean Croise

Matyu 20:28

A so it fi go, jos laik ou di Man we Gad Pik neehn kom ya fi nobadi sorv im; a kom im kom ya fi sorv piipl an fi gi op im laif so piipl kyan get frii fram dem sin.”

Jan 6:51

Mi a di fuud we gi laif, an we kom dong fram outa evn. Ef enibadi nyam dis ya fuud ya, dem a-go liv fi eva. Mi uona badi a di fuud we mi gweehn gi so di piipl dem iina di worl kyan liv.”

Aks 20:28

An siem laik ou wan shepad luk aafa im Shiip dem, a siem so unu fi tek kier a unuself an Gad choch we di Uoli Spirit put unu inchaaj a, an we im mek im uon wen im bwai pikni ded pan di kraas.

Gyalieshan 1:4

Jiizas gi op im laif fi siev wi fram wi sin dem an fi frii wi fram aal a di wikid sitn dem we a apm nou. A dat Faada Gad did waahn im fi du an so a dat im du.

Gyalieshan 2:20

An a no mi a liv no muor bot a Krais Jiizas a liv iina mi. Nou mi liv kaaz mi chos iina Gad Bwai Pikni — di wan we lov mi an we ded fi mi.

Ifiijan 5:2

Lov unu wan aneda, jos laik ou Krais Jiizas lov unu. Im gi op im laif fi wi laik wan swiit sakrifais we dem bon pan alta gi Gad.

Ifiijan 5:24

Siem laik ou di piipl dem we mek op di choch ombl demself an du we Krais Jiizas se dem fi du, a siem so di uman dem fi ombl demself an du we dem ozban waahn dem fi du.

Ifiijan 5:28

A siem so ozban fi lov dem waif, siem laik ou dem lov dem uona self. Di wie ou im lov im waif shuo se im lov imself.

Ifiijan 5:33

Bot rait nou stil, mi a tel di ozban dem se dem fi lov dem waif jos laik ou dem lov demself. An di waif dem fi rispek dem ozban.

Koloshan 3:19

Di ozban dem, unu fi lov unu waif; no chriit dem bad an gwaan laik se dem a unu sliev.

1 Timoti 2:6

Jiizas gi op im laif so dat im kuda bai bak evribadi an frii dem fram sin. Wen Jiizas ded, im shuo se Gad did av wan plan fi siev piipl bot iina fi im uona taim.

1 Piita 3:7

A siem so di ozban dem fi liv gud wid dem waif an tingk bout dem siem laik ou Gad si dem. Unu nuo aredi se dem no chrang laka unu an dem kyaahn go du aal a wa unu kyan du. So andastan dat an rispek dem, kaaz di siem speshal laif we Gad so gud an kain fi gi unu, im gi dem tu. So mek shuor se unu chriit dem rait so unu kyan prie ou unu sopuoz fi prie.

Revilieshan 1:5

An mi prie se Jiizas Krais, di wan we aalwiez taak di chuut bout Gad, wi gud an kain tu unu an gi unu piis iina unu aat. Im a di fos wan fi ded an kom bak alaiv, an a im ruul uova aal a di king dem we de pan ort. Jiizas a di wan we lov wi an a im frii wi fram wi sin dem wid im blod wen im ded pan di kraas.

Revilieshan 5:9

An dem sing wan nyuu sang: “Yu gud inof fi tek di ruol op buk an fi bos aaf di chring dem, kaaz yu did get kil. An yu tek yu blod bai piipl fi Gad fram evri chraib an langwij an piipl an konchri.