Ifiijan 5:2 - Di Jamiekan Nyuu Testiment

² Lov unu wan aneda, jos laik ou Krais Jiizas lov unu. Im gi op im laif fi wi laik wan swiit sakrifais we dem bon pan alta gi Gad.

Ifiijan 5:2 Iomraidhean Croise

Matyu 20:28

A so it fi go, jos laik ou di Man we Gad Pik neehn kom ya fi nobadi sorv im; a kom im kom ya fi sorv piipl an fi gi op im laif so piipl kyan get frii fram dem sin.”

Jan 13:34

“Mi a tel unu fi du sopm nyuu — lov unu wan aneda. Sed wie mi lov unu, a so unu fi lov unu wan aneda.

Jan 6:51

Mi a di fuud we gi laif, an we kom dong fram outa evn. Ef enibadi nyam dis ya fuud ya, dem a-go liv fi eva. Mi uona badi a di fuud we mi gweehn gi so di piipl dem iina di worl kyan liv.”

Ruoman 15:16

im mek mi wan a Krais Jiizas sorvant dem an sen mi fi wok mongks di piipl dem we a no Juu. Mi a laik wan priis, fi mi jab a fi priich di Gud Nyuuz we Gad gi mi tu di piipl we a no Juu, so dat di Uoli Spirit kyan mek dem kliin an gi dem op tu Gad laik wan sakrifais, wan sakrifais we Gad kyan api wid.

Ruoman 4:25

Gad sen Jiizas fi ded siek-a fi wi sin dem an Gad mek im kom bak alaiv so dat tingz kyan rait bitwiin wi an Gad.

Ruoman 8:3

Wi aat so ful op a sin wi kudn fala aal we di Laa se an so di Laa kudn siev wi. Bot Gad du we di Laa kudn du. Gad tek im Bwai Pikni ton im iina wan man, gi im wan badi siem laik fi wi uon we wuda waahn fi sin, an sen im kom a ort fi ded fi wi sin dem.

Ruoman 8:37

Bot no mata we apm ar wa wi go chuu, Krais Jiizas, di wan we lov wi wi kaaz wi fi muor dan win.

1 Korintiyan 16:14

Mek shuor se evriting we unu du, a siek-a di lov we de iina unu aat.

1 Korintiyan 5:7

Unu mos get rid a aal a di sin we de iina unu laif, jos laik ou wi dash we uol yiis. Unu mos get rid a it so dat unu kyan komiin laik fresh duo we naa no yiis iina it. Kaaz dat a wa unu riili fi bi sins Gad mek unu nyuu wen unu biliiv iina Jiizas. Kaaz Jiizas ded fi set wi frii, im komiin jos laik di biebi shiip we dem did kil a Paasuova taim.

2 Korintiyan 2:14

Wi tangk Gad we mek wi eva a win gens di wikid sitn dem we wi fies, chuu wi an Jiizas a wan. Gad yuuz wi fi pred di Gud Nyuuz bout Jiizas aal bout, an da Gud Nyuuz de komiin laik wan swiit swiit sumel.

2 Korintiyan 2:15

Kaaz wi komiin laik di swiit sumel we insens gi aaf — di insens dem we Jiizas gi Gad. An da sumel de pred out mongks di piipl we a get siev an mongks di piipl dem we naa go get siev.

2 Korintiyan 8:9

Kaaz unu nuo ou wi Laad Jiizas Krais shuo wi lov iivn duo wi no dizorv it. Im did rich bot im gi op evriting an mek imself puor so dat unu we puor kuda get rich.

Gyalieshan 1:4

Jiizas gi op im laif fi siev wi fram wi sin dem an fi frii wi fram aal a di wikid sitn dem we a apm nou. A dat Faada Gad did waahn im fi du an so a dat im du.

Gyalieshan 2:20

An a no mi a liv no muor bot a Krais Jiizas a liv iina mi. Nou mi liv kaaz mi chos iina Gad Bwai Pikni — di wan we lov mi an we ded fi mi.

Ifiijan 1:4

Fram wie bak wen, bifuo Gad mek di worl, im pik wi an mek wi an Jiizas wan. Im pik wi, so dat wi kyan liv kliin an no av notn bad iina wi laif fi kip wi we fram im. Siek-a ou im lov wi,

Ifiijan 3:17

Chuu unu chos iina Krais Jiizas, mi prie se im wi liv iina unu aat. Unu tan chrang iina Gad lov jos laik ou chrii tan op chrang wen dem ruut gaan dong diip iina di grong. Siek-a dat,

Ifiijan 3:19

Mi prie se unu wi nuo bout Krais Jiizas lov iivn duo nobadi kyaahn figa out umoch im riili riili lov wi. Wen unu nuo bout Krais lov, Gad wi tek kanchuol a unu laif iina evri wie so til unu komiin jos laik im.

Ifiijan 4:15

Insted-a gwaan laik se wi a pikni, mek wi taak bout di chuu mesij bout Jiizas an mek wi liv laik ou di mesij se wi fi liv. An mek wi du it wid lov iina wi aat. Da wie de, wi wi gruo op chrang iina aal saat a wie an get fi komiin laik Krais Jiizas, di wan we a di ed fi di choch.

Ifiijan 4:2

Ombl unuself an lorn fi tek taim wid unu wan aneda. No bada rof op nobadi. Insted-a dat, aalwiez shuo lov wen unu a diil wid unu wan aneda. No kwik fi get beks.

Ifiijan 5:15

Wach ou unu liv. No gwaan laik unu a fuul. Ak laik se unu av sens.

Ifiijan 5:25

Nou, di ozban dem fi lov dem waif siem laik ou Krais Jiizas lov di choch an ded pan di kraas fi it.

Filipiyan 4:18

Mi get aal a di sitn dem we unu sen. An nou, mi av muor dan we mi niid. So, mi gud nou, kaaz Epafrodaitos gi mi evriting we unu sen kom. Aal a we unu sen kom, komiin laik di swiit sumel we kom fram sakrifais we Gad lov. An Gad api wid dat.

Koloshan 3:14

An pan tap a aal a wa mi se, unu fi put aan lov. A lov bring di uol a dem tugeda laik se dem a onggl wan sitn — an a so it fi go.

1 Tesaluoniyan 4:9

Nou fi taak bout ou unu fi lov unu breda an sista dem we biliiv iina Jiizas, mi no niid fi rait an tel unu bout dat, kaaz Gad imself don tiich unu ou fi lov unu wan aneda.

1 Timoti 2:6

Jiizas gi op im laif so dat im kuda bai bak evribadi an frii dem fram sin. Wen Jiizas ded, im shuo se Gad did av wan plan fi siev piipl bot iina fi im uona taim.

1 Timoti 4:12

No mek nobadi put yu dong kaaz yu yong. Mek shuor yu liv rait so piipl kyan fala yu: lov piipl, chos iina Gad an liv wan kliin laif an no sin.

Taitos 2:14

Im a di wan we gi op im laif fi siev wi fram aal kain-a wikidnis an mek wi kliin so wi kuda bi im piipl; piipl we eva a chrai fi du gud.

Iibruu 8:3

Evri liida fi priis afi gi aafrin plos bon sakrifais gi Gad. So da wan ya did afi av sopm fi gi Gad tu.

Iibruu 9:14

den tingk bout umoch muo Krais Jiizas blod a-go du fi wi! Siek-a di Spirit we liv fi eva, im kuda gi op imself, an im naa no sin at aal. So fi im blod frii wi kanchens fram di sitn dem we wi du uova an uova fi worship, bot we riili naa no yuus an we boun fi kil wi aaf. Im blod frii wi kanchens fram dem de an mek wi kyan riili sorv di Gad we liv fi eva!

Iibruu 9:23

So, di sitn dem we onggl komiin laik di wan dem we de a evn, dem sakrifais de did afi bon fi mek dem sitn de get kliin. Bot di wan dem we de a evn — di riil wan dem, beta sakrifais did afi bon fi dem sitn de.

Iibruu 9:26

Ef a so, den Krais Jiizas wuda afi sofa uol iip a taim sins di worl mek. Bot nier di taim wen di worl a-go don nou, im gi op imself laik wan sakrifais, onggl wan taim, an dat kova evriting. Da wie de im kuda get rid a sin.

1 Piita 4:8

An muo dan notn els unu fi riili lov unu wan aneda aal di taim an wid aal a unu aat. Kaa lov kova op sin, no mata ou it mait-a uol iip.

1 Jan 3:16

A so wi kom fi nuo riil lov, kaaz Jiizas ded fi wi an a siem wie wi fi mek op wi main fi ded fi wi breda an wi sista dem.

1 Jan 3:23

Dis a wa Gad se wi fi du, wi fi biliiv iina Jiizas Krais, im Bwai Pikni, an wi fi lov wi wan aneda tu.

Revilieshan 1:5

An mi prie se Jiizas Krais, di wan we aalwiez taak di chuut bout Gad, wi gud an kain tu unu an gi unu piis iina unu aat. Im a di fos wan fi ded an kom bak alaiv, an a im ruul uova aal a di king dem we de pan ort. Jiizas a di wan we lov wi an a im frii wi fram wi sin dem wid im blod wen im ded pan di kraas.

Revilieshan 5:9

An dem sing wan nyuu sang: “Yu gud inof fi tek di ruol op buk an fi bos aaf di chring dem, kaaz yu did get kil. An yu tek yu blod bai piipl fi Gad fram evri chraib an langwij an piipl an konchri.