Ifiijan 5:19 - Di Jamiekan Nyuu Testiment

¹⁹ Da wie de, wen unu a taak tu wan aneda, unu kyan yuuz saamz, sing som im, an sing di sang dem we di Spirit gi unu. Unu wi kyan sing an mek myuuzik bobl iina unu aat an priez di Laad.

Ifiijan 5:19 Iomraidhean Croise

Matyu 15:8

“‘Aal dem set a piipl ya du a tek dem mout big mi op, bot iina dem aat dem no waahn av notn fi du wid mi.

Matyu 26:30

Afta dem sing wan im don, dem lef go a Mount Aliv.

Aks 16:25

Roun migl nait Paal an Sailas did a prie an a sing priez tu Gad, an di ada prizna dem did a lisn.

1 Korintiyan 14:15

So wa mi fi du den? Wa mi fi du a mek mi spirit prie bot prie wid mi ed tu an tingk bout wa mi a se. An wen mi a sing priez tu Gad, mi wi sing wid mi spirit an sing wid mi main tu an tingk bout wa mi a sing se.

1 Korintiyan 14:26

So mi breda an sista, a wa unu fi du den? Mi a-go tel unu! Wen unu gyada tugeda fi av choch, evriting we unu du, unu fi du it so dat unu wi elp evribadi. A so it fi tan wen sumadi a sing wan sang ar a tiich, ar a kyari mesij fram Gad. A so it go wen sumadi a taak iina tongz ar wen sumadi a tel unu we di piipl we a taak iina tongz a se.

Koloshan 3:16

An unu fi gwaan mek di mesij bout Krais Jiizas liv iina unu aat an bles unu iina evri wie. So tiich an waan unu wan aneda. Du it laik unu av sens, an du it wid Saamz, di im dem an di sang dem we Gad Spirit gi unu fi sing. Sing tu Faada Gad wid aal a unu aat an gi im tangks.

Jiemz 5:13

Ef non a unu a sofa an av prablem, unu fi prie. Ef non a unu api, unu fi sing an priez Gad.

Revilieshan 5:9

An dem sing wan nyuu sang: “Yu gud inof fi tek di ruol op buk an fi bos aaf di chring dem, kaaz yu did get kil. An yu tek yu blod bai piipl fi Gad fram evri chraib an langwij an piipl an konchri.