Ifiijan 5:18 - Di Jamiekan Nyuu Testiment

¹⁸ No bada jringk chrang jringk an get jongk an galang bad an gwaan wid aal kain-a naasinis. Wa unu fi du a mek di Uoli Spirit tek kanchuol a unu laif.

Ifiijan 5:18 Iomraidhean Croise

Matyu 23:25

“Yu si aal dem Laa tiicha ya, an di Farisii piipl dem, chobl fu'unu! Uol Ipokrit! Unu wash outsaida kop an pliet kliin kliin, bot wa unu put iina dem doti, kaaz a griidi unu griidi. Unu yuuz wikidnis an tek dem fram piipl. Unu jos bizniz bout unuself wan.

Matyu 24:49

An im staat biit di ada sorvant dem, an nyam an jringk wid jongkad,

Luuk 1:15

Yu bwai pikni a-go speshal iina Gad yai. Im no fi jringk no wain ar no ada chrang jringk. Di Uoli Spirit a-go kanchuol im fram im iina im mada beli.

Luuk 11:13

Ef unu so wikid an stil nuo ou fi gi unu pikni nais sitn, unu no tingk se unu Faada op iina evn wi iivn muo dan redi fi gi di Uoli Spirit tu enibadi we aks im!”

Luuk 12:45

Supuoz di sorvant se tu imself se, ‘Mi maasta a tek wan lang taim fi kom bak,’ an so im staat biit di ada sorvant dem an iit, jringk an get jongk.

Luuk 21:34

“Wach out an no spen di uol a unu taim a nyam an jringk, an a fret bout laif, ar da die de a-go kriip op an kech unu laik wan chrap.

Jan 2:10

Di manija kaal di man an se tu im se, “Wen ada piipl a get marid, dem shier out di bes wain fos. An afta di piipl dem jringk an jongk aaf, a dat de taim de dem shier out di chiip wain. Bot yu nou, yu shier out di bes wain laas!”

Aks 11:24

Baanabas a did wan gud man. Di Uoli Spirit did tek kanchuol a im laif an im did biliiv nof nof. Siek-a im, uol iip muor piipl ton tu di Laad an get siev.

Ruoman 13:13

So mek wi liv ou wi nuo wi fi liv, mek wi liv laik piipl we iina di lait, no laik piipl we iina di daak. Wi no fi tek paat iina no wail seks paati an wi no fi jringk til wi jongk. Wi no fi a sliip roun sliip roun ar a tek paat iina no kain-a seks sin. Unu no fi lov fait an unu no fi red yai fi ada piipl tingz.

1 Korintiyan 11:21

Kaaz wen a taim fi iit, evribadi iit wen dem fiil laik, dem no wiet pan nobadi. Som piipl no get no fuud so dem onggri, wail ada piipl jringk til dem jongk.

1 Korintiyan 5:11

Wen mi did rait unu mi did a taak bout piipl we se dem biliiv iina Gad. No av notn fi du wid nobadi we se dem a Gad pikni bot a tek paat iina aal kain-a seks sin. No av notn fi du wid dem ef dem waahnti-waahnti, tiif ada piipl sitn dem, worship faalz gad, tel lai ar jringk tu moch. No iivn iit wid dem piipl de.

1 Korintiyan 6:10

Bot a no dem wan, piipl we tiif, piipl we waahnti-waahnti, piipl we eva a get jongk, piipl we tek dem mout tier dong ada piipl an piipl we chrik piipl fi get dem moni, no iivn wan a dem a-go tek paat iina Gad Kindom niida.

1 Tesaluoniyan 5:7

Kaaz aal uu sliip — sliip a nait taim. An dem de we jongk aaf demself — a nait taim dem get jongk.

Taitos 1:6

Wan elda mos liv im laif so dat nobadi kyaahn se notn bad bout im. Im mos onggl av wan waif an im pikni dem fi biliiv iina Jiizas. Im pikni dem no fi wail ar go gens wa dem mada an faada se bot mos aalwiez shuo dem rispek.