Ifiijan 5:16 - Di Jamiekan Nyuu Testiment

¹⁶ Evri chaans unu get fi du sopm gud, du it, kaaz a bier wikid sitn a gwaan iina dem taim ya.

Ifiijan 5:16 Iomraidhean Croise

Matyu 25:17

Di wan we did av tuu bag mek tuu muo tu.

Jan 12:35

Den Jiizas se tu dem se, “Unu a-go av di lait wid unu fi onggl likl bit langga. Waak wen unu av di lait, bifuo daaknis tek unu uova. Sumadi we a waak iina daaknis no nuo wich paat im a go.

Ruoman 13:11

Dat a wa unu mos du kaaz unu nuo di taim wi a liv iina. Unu nuo se a taim nou fi wiek op an tap sliip, kaaz wi kluosa nou tu di die wen Gad a-go siev wi dan wen wi did fos staat biliiv iina Krais Jiizas.

1 Korintiyan 7:26

Yu si chuu di wan dem we biliiv iina Gad a-go go chuu nof aad taimz, mi tingk it beta fi unu tan ou unu bi.

Gyalieshan 1:4

Jiizas gi op im laif fi siev wi fram wi sin dem an fi frii wi fram aal a di wikid sitn dem we a apm nou. A dat Faada Gad did waahn im fi du an so a dat im du.

Gyalieshan 6:10

So wen-eva wi av di chaans fi du gud, mek wi du it. Mek wi du gud fi evribadi, wos ef dem a paat a Gad fambili an biliiv iina Jiizas laik wi.

Ifiijan 6:13

So unu fi put aan aal a unu aami kluoz dem we Gad gi unu fi protek unuself. Da wie de, enitaim di devl kom chrai fi wok im chrik pan unu, unu wi kyan tan op chrang gens im. Unu wi fait im til im no av no fait lef iina im. An wen unu don fait im, unu wi stil tan op chrang.

Ifiijan 6:15

Unu wi tan op chrang wen unu put aan di Gud Nyuuz we gi piipl piis iina dem aat siem laik ou unu put aan unu suoja shuuz pan unu fut dem.

Koloshan 4:5

Unu fi gwaan laik se unu av sens wen unu roun piipl we a no Krais Jiizas falara. No wies no taim, evri chaans unu get unu fi du dat.